ملک کے بیشتر علاقوں میں سردی کی شدت برقرار ، تیز ہوائیں چلنے سے سردی مزید بڑھ گئی

بدھ 3 دسمبر 2014 12:44

اسلام آباد(اُردو پوائنٹ تاز ترین اخبار۔ 03 دسمبر 2014ء) ملک کے بیشتر علاقوں میں سردی کی شدت برقرار ہے۔ موسم سرد ہونے سے خشک میوہ جات کا استعمال بڑھنے کے ساتھ اْن کی قیمتوں میں بھی اضافہ ہوگیا ہے۔گزشتہ روز سب کم درجہ حرارت اسکردو میں منفی 4 ڈگری سینٹی گریڈ ریکارڈ کیا گیا۔گلگت بلتستان کے زیادہ ترعلاقوں میں موسم ابر آلود ہے۔بالائی پہاڑی علاقوں میں تیز ہوائیں چل رہی ہیں جس سے سردی مزید بڑھ گئی ہے۔

(جاری ہے)

بالائی علاقوں کے ساتھ ساتھ میدانی علاقوں میں سردی کم کرنے کیلئے چائے ،قہوہ ،سوپ اور یخنی کا استعمال بڑھ گیا ہے۔ خیبر پختونخوا اور گلگت بلتستان کے علاقوں میں خشک میوہ جات اور جلانے کی لکڑی کی قیمتوں میں کئی گنا اضافے سے لوگوں کی مشکلات بڑھ گئی ہیں۔محکمہ موسمیات کے مطابق آئندہ چوبیس گھنٹوں کے دوران ملک کے بیشتر علاقوں میں موسم خشک رہے گا۔

Facebook Twitter Google + Share on Whatsapp

ملک کے بیشتر علاقوں میں سردی کی شدت برقرار ، تیز ہوائیں چلنے سے سردی مزید بڑھ گئی

مزید موسم کی خبریں