خوشاب میں گدھوں کا گوشت فروخت کیے جانے کا انکشاف

بدھ 3 دسمبر 2014 15:09

خوشاب(اُردو پوائنٹ اخبار تازہ ترین۔3دسمبر۔2014ء)خوشاب میں جھاڑیوں سے 4گدھوں کا گوشت جبکہ 8 گدھے ذبح حالت میں ملے ہیں۔گدھوں کا گوشت فروخت کیے جانے کے انکشاف پر شہریوں نے احتجاج اور ملزمان کو گرفتار کرکے قرار واقعی سزا دینے کا مطالبہ کیا ہے۔ خوشاب کے علاقے سیم نالہ پنڈی روڈ کی نزدیکی آبادی کی جھاڑیوں سے 4گدھوں کا گوشت جبکہ 8 گدھے ذبح حالت میں ملے۔

(جاری ہے)

مقامی افراد کی جانب سے اطلاع دیے جانے پر میڈیا ، پولیس ، محکمہ صحت ،محکمہ لائیو اسٹاک اور ٹی ایم اے کے نمائندگان موقع پر پہنچے، ڈسٹرکٹ آفیسر لائیو اسٹاک ڈاکٹر سمیع اللہ نے بتایا کہ مقدمہ درج کرکے واقعے کی تفتیش شروع کردی گئی ہے۔ ملزمان کا سراغ بھی لگایا جارہا ہے۔ دوسری جانب گوشت مارکیٹ میں گدھوں کا گوشت فروخت کیے جانے کے انکشاف پر شیریوں میں بے چینی پھیل گئی ہے۔ مشتعل افراد نے احتجاجی مظاہرہ اور ملزمان کو فوری گرفتار کرکے سزا دینے کا مطالبہ کیا۔

Facebook Twitter Google + Share on Whatsapp

خوشاب میں گدھوں کا گوشت فروخت کیے جانے کا انکشاف

مزید اہم خبریں