فیصل آباد کی تمام تاجر تنظیموں نے پی ٹی آئی کی کال مسترد کردی، مارکیٹیں کھلی رکھنے کا اعلان،
تاجرحکومتی پالسیوں کی حمایت کرتے ہیں،کاروبار ہر حال میں جاری رکھیں گے،زبردستی کرنے والوں کو مزاحمت کا سامنا ہوگا، عمران خان منفی سیاست چھوڑ کرآئندہ الیکشن کا انتظار کریں8دسمبر کے احتجاج سے کچھ حاصل نہیں ہوگا ‘نمائندوں کی گھنٹہ گھر چوک میں پریس کانفرنس
جمعرات 4 دسمبر 2014 20:15
فیصل آباد /لاہور(اُردو پوائنٹ تاز ترین اخبار۔ 04 دسمبر 2014ء ) آل پاکستان انجمن تاجران ایکشن کمیٹی وانجمن تاجرا ن سٹی آٹھواں بازاروں اور شہر کی تمام مارکیٹوں کی دو سو سے زائد کاروباری و تجارتی تنظیموں کے عہدیداروں نے متفقہ طور پر تحریک انصاف کی آٹھ دسمبر کی کال کو مسترد کرتے ہوئے کہا کہ وہ اپنا کاروبارہر حال میں جاری رکھیں گے ‘تمام تاجر تنظیمیں متحد اور منظم ہیں کسی کو توڑ پھوڑ یا غنڈہ گردی کی ہر گز اجازت نہیں دیں گے ۔
اگر کسی نے غنڈہ گردی یا توڑ پھوڑ کی تو ہم اینٹ کا جواب پتھر سے دیں گے ۔ ان خیالات کا اظہار چیئر مین آل پاکستان انجمن تاجران ایکشن کمیٹی و صدرانجمن تاجرا ن سٹی خواجہ شاہد رزاق سکا نے تمام تاجر تنظیموں کے سربراہوں کے ہمراہ چوک گھنٹہ گھر میں پر ہجوم پریس کانفرنس سے خطاب کرتے ہوئے کیا ۔(جاری ہے)
پریس کانفرنس میں انجمن تاجران سٹی کے قائدین حاجی شیخ محمد بشیر ،جنرل سیکرٹری چوہدری محمود عالم جٹ،سابق ایم پی اے و تاجر خواجہ محمد اسلام‘ سرپرست اعلی چوہدری غلام سرور ، سینئروائس چیئر مین مرزا محمد صدیق بیگ اور سینئر رہنماؤں حا جی عا بد، شیخ سعید،رانااکرام اللہ ،حاجی اسلم بھلی ، شیخ محمد فاضل ، مرزا طالب حسین ،حاجی شمشاد، حاجی سلیمان ، چوہدری پرویز کموکا‘مرزا اشرف مغل ،میاں آصف اسلم ، رانا ایوب منج ،عبدالقیوم شیخ ، خالد پرویز شیخ ، نصیر یو سف وہرہ ،چوہدری محمد اصغر ،شیخ فاروق اللہ والا ،شیخ وحید ببر،جاوید ظفر ،حاجی ندیم وہرہ، اسرار منے خان ،امین بٹ ، چوہدری ارشد گجر، ایاز ترین خان ، عباس حیدر ، چوہدری طلعت محمود ، ڈاکٹر محسن اقبال ،چو ہدری اشرف ، چوہدری محمد اسلم ، یحیی شاہد ، شوکت اللہ ،عبدالقیوم انور ، رانااشفاق احمدم میاں اشرف مٹھو،چوہدری اعجاز ،حاجی رمضان شیدا،زاہد حسین ،عزیز الرحمن ، چوہدری اکرام ،لالہ معین شیخ،بلال الہی اورایم ارشد سیالوی ‘ طارق قادری ‘ رانا محمد وکیل ‘ جاوید ظفر ‘ اشرف مٹھو ‘ اسامہ سعید اعوان ‘ لالہ معین احمد ‘ مرزا داؤد ابراھیم اور دیگر موجود تھے۔
پریس کانفرنس میں تمام تاجروں تنظیموں کے رہنما نے عمران خان کی کال کی شدید مخالفت کرتے ہوئے کہا کہ 8دسمبر کو حسب معمول آٹھوں بازار ا ور کاروباری مارکیٹیں کھلی رہیں گی اور زبردستی دکانیں بند کرانے کی کوشش کرنے والوں کو بھرپور مزاحمت کا سامنا کرنا پڑ ے گا۔ پریس کانفرنس سے انجمن تاجران سٹی کے قائدین حاجی شیخ محمد بشیر،جنرل سیکرٹری چوہدری محمود عالم جٹ،سابق ممبر پنجاب اسمبلی خواجہ محمد اسلام ،سینئروائس چیئر مین مرزا محمد صدیق بیگ،اسرار منے خان اور دیگر نے بھی خطاب کیااور انہوں نے کہا کہ تحریک انصاف کے تین ماہ سے جاری دھرنوں سے روز گار اور کاروبار تباہ ہو چکے ہیں ۔ غریب اور دیہاڑی دار طبقہ فاقوں پر مجبور ہو چکا ہے ۔ انہوں نے کہا کہ عمران خان اپنی منفی سیاست کو چھوڑ کرکرآئندہ الیکشن کا انتظار کریں ۔ آٹھ دسمبر کے دھرنے و احتجاج سے انہیں کچھ حاصل نہیں ہو گا ۔ لہذا عمران خان اور ان کے حواری جمہوریت کے استحکام اور سیاسی اقدار کی سربلندی کے لئے اپنا قبلہ درست کرلیں۔انہوں نے کہا کہ تمام تاجر تنظیمیں ایک پلٹ فارم پر کھڑی ہیں اور وہ حکومت کی پالیسیوں کی بھر پور حمایت کرتے ہیں۔انہوں نے کہا کہ دھرنوں کی سیاست سے پاکستان کو معاشی ‘سماجی و جمہوری میدان میں نقصان پہنچایا جارہا ہے اس منفی طرز عمل کی وجہ سے غیر ملکی سرمایہ کاری میں روڑے اٹکائے جارہے ہیں جو کہ ملک کیخلاف گھناؤنی سازش ہے۔انہوں نے اس عزم کا اعادہ کیا کہ جمہوریت کے تسلسل اور پاکستان کی ترقی و خوشحالی کے لئے وزیر اعظم محمد نواز شریف اوروزیر اعلی پنجاب محمد شہباز شریف کے ہاتھ مضبوط کریں گے جو پاکستان کو ترقی کی بلندیوں تک پہنچانے ‘ انرجی بحران کے خاتمے اور عوامی فلاح و بہبود و خدمت کے لئے بھر پور انداز میں کوشاں ہیں ۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.