خیرپور، بینکنگ کورٹ سکھر نے خیرپور کے 30 نادہندگان کے ناقابل ضمانت وارنٹ جاری کردیئے‘ گرفتاری کے احکامات جاری

ہفتہ 6 دسمبر 2014 13:09

خیرپور (اُردو پوائنٹ تاز ترین اخبار۔ 06 دسمبر 2014ء) بینکنگ کورٹ سکھر نے خیرپور کے 30 نادہندگان کے ناقابل ضمانت وارنٹ جاری کردیئے‘ گرفتاری کے احکامات جاری۔

(جاری ہے)

تفصیلات کے مطابق بینکنگ کورٹ سکھر کے جج عبدالرحمن بھٹی نے خیرپور کے مختلف بینکوں کے نادہندگان غلام نبی شر‘ لطف اللہ لاڑک‘ عبدالحق‘ رضا محمد‘ ایاز علی‘ فیاض علی‘ الطاف حسین‘ شیخ کاٹن ملز کے مالک امان اللہ شیخ کے انتقال کے بعد اس کے بیٹوں نعمت اللہ‘ سلیم اللہ‘ صفی اللہ‘ شفیع محمد شیخ‘ دیال داس‘ غلام حسین پائل‘ رمیش کمار‘ نظر خان چانڈیو‘ علی عباس میتلو‘ انور علی میتلو‘ عبدالحمید‘ مجاہد حسین‘ صفدر سیخ‘ محکمہ ایجوکیشن کے زاہد حسین خمیسانی‘ ٹھیکیدار خان محمد ولد محرم خان کے ناقابل ضمانت وارنٹ گرفتاری جاری کرکے گرفتار کرکے پیش کرنے کا حکم دے دیا ہے‘ نادہندگان کا تعلق خیرپور ضلع کے مختلف علاقوں سے ہے۔