منگنی کی تقریب کے بعد دلہن نے چھت سے کود کر جان دے دی

منگل 9 دسمبر 2014 13:11

نیو دہلی(اُردو پوائنٹ اخبار تازہ ترین۔9دسمبر 2014ء)زبردستی شادی کے عذاب سے ہمیشہ کیلئے نجات پانے کی خاطر ایک نوجوان بھارتی دلہن نے شادی کی تقریب کے دوران ہی بلند عمارت سے کود کر زندگی کا خاتمہ کر لیا۔ دارالحکومت کے علاقہ راجوری گارڈن کے ایک شادی ہال میں تقریب جاری تھی اورلڑکی کے والدین مہمانوں کا استقبال کر رہے تھے کہ اسی دوران دلہن سب سے نظر بچا کر بالکونی پر آئی اور چھلانگ لگا دی۔

(جاری ہے)

پولیس کے مطابق لڑکی کی شادی اس کی مرضی کے بغیر کی جا رہی تھی۔ وہ اعلیٰ تعلیم یافتہ تھی اور کچھ عرصہ قبل ایک اچھی ملازمت سے محروم ہو گئی تھی اور اس کی وجہ سے بھی ذہنی دباﺅ کا شکار تھی اور اس کا اصرار تھا کہ وہ کوئی مناسب ملازمت تلاش کرنے کے بعد شادی کرے گی تاہم والدین اور خاندان والوں نے اسے زبردستی شادی پر مجبور کر دیا تھا۔ لڑکی کی شناخت 29 سالہ شیوانی کے نام سے جاری کی گئی ہے۔

Facebook Twitter Google + Share on Whatsapp

منگنی کی تقریب کے بعد دلہن نے چھت سے کود کر جان دے دی

مزید بین الاقوامی خبریں