شاہ رخ خان کا ہم شکل ہونے کا فائدہ،
میں نے چار مہینوں میں شاہ رخ کی طرح چلنا، سونا، رونا اور ہنسنا سیکھا۔ مجھے خوابوں میں بھی شاہ رخ ہی نظر آنے لگے۔ میں نے سوچا کہ مجھے اپنی اداکاری کو سنجیدگی سے لے کر قسمت آزمائی کرنی چاہیے، اور آج میں یہاں ہوں،پرشانت، ’مجھے 25 ہزار روپے یومیہ ملتے ہیں اور مہینے میں اگر صرف 10-15 دن کام کیا تو 15 دن کی کمائی تقریبا تین لاکھ روپے ہوتی ہے اور اگر پورے مہینے کام کرتا ہوں تو چھ سے سات لاکھ بن جاتے ہیں،ہمشکل شاہ رخ خان
منگل 9 دسمبر 2014 18:56
مہاراشٹر(اُردو پوائنٹ تاز ترین اخبار۔ 09 دسمبر 2014ء) بھارتی ریاست مہاراشٹر میں ناگپور شہر کے رہنے والے پرشانت والڈے بالی وڈ اداکار شاہ رخ خان کے ہم شکل ہیں اور یہی ان کی کمائی کا ذریعہ ہے۔سوانگ بھرنے والے آرٹسٹ پرشانت کو ذرا دور سے دیکھنے پر کسی کو بھی ان کے شاہ رخ خان ہونے کا دھوکہ ہو سکتا ہے۔پرشانت کا کہنا ہے کہ جب ان کے پڑوسیوں نے انھیں شاہ رخ خان کا ہم شکل کہنا شروع کیا تب سے انھوں نے ممبئی کو اپنا گھر اور بالی وڈ کو اپنا ’میدانِ عمل‘ بنا لیا ہے۔
پرشانت کے مطابق 15 سال قبل جب وہ ناگپور سے ممبئی آئے تو سب سے پہلے شاہ رخ کے گھر ’منت‘ کی زیارت کی اور وہ روز وہاں جا کر شاہ رخ خان سے ملنے کی منت مانگا کرتے تھے۔وہ کہتے ہیں: ’میں ناگپور میں سٹیج شوز اور سپرسٹارز کی نقالی کیا کرتا تھا۔(جاری ہے)
جب میں شاہ رخ خان کی نقالی کرتا تھا تو مجھے خوب داد ملتی تھی۔ اس کے بعد سے تو مجھے صرف شاہ رخ کا سوانگ بھرنے کی پیش کشیں ہونے لگیں۔
انھوں نے مزید کہا: ’میں نے چار مہینوں میں شاہ رخ کی طرح چلنا، سونا، رونا اور ہنسنا سیکھا۔ مجھے خوابوں میں بھی شاہ رخ ہی نظر آنے لگے۔ میں نے سوچا کہ مجھے اپنی اداکاری کو سنجیدگی سے لے کر قسمت آزمائی کرنی چاہیے، اور آج میں یہاں ہوں۔‘ان کا کہنا ہے کہ اشتہارات میں انھیں شاہ رخ کی ڈمی کے طور پر استعمال کیا جاتا ہے اور جب شاٹ فائنل ہو جاتا ہے، تب اصلی شاہ رخ خان کو بلا لیا جاتا ہے۔فلموں میں آمد کے بارے میں انھوں نے کہا کہ وہ ’اوم شانتی اوم،‘ ’ڈان 2‘ اور ’چینئی ایکسپریس‘ جیسی فلموں میں شاہ رخ کے ساتھ کام کر چکے ہیں اور اب یش راج کی آنے والی فلم ’فین‘ میں شاہ رخ خان کے ساتھ کام کر رہے ہیں۔پرشانت نے بتایا: ’شاہ رخ بہت مصروف اور مہنگے اداکار ہیں اور ان کے پاس زیادہ وقت نہیں رہتا۔ ان کا ایک ایک منٹ قیمتی ہے اس لیے جب کسی طویل شاٹ کی ضرورت ہوتی ہے جس میں چہرہ صاف دکھانا ضروری نہ ہو، تب میں جاتا ہوں۔ اس کے علاوہ جب شاہ رخ کا جسم پیچھے سے دکھانا ہو اور وہ دستیاب نہ ہوں، تب بھی میں ہی شاٹ دیا کرتا ہوں۔شاہ رخ خان کے ہم شکل ہونے کی وجہ سے پرشانت کو دیپکا، پرینکا جیسی اداکاراوٴں کے ساتھ بھی کام کرنے کا بھی موقع ملا۔شاہ رخ خان کا ہم شکل ہونے کے فوائد بتاتے ہوئے پرشانت کہتے ہیں: ’مجھے 25 ہزار روپے یومیہ ملتے ہیں اور مہینے میں اگر صرف 10-15 دن کام کیا تو 15 دن کی کمائی تقریبا تین لاکھ روپے ہوتی ہے اور اگر پورے مہینے کام کرتا ہوں تو چھ سے سات لاکھ بن جاتے ہیں۔پرشانت مزید کہتے ہیں: ’کبھی بھی بیرون ملک سٹیج شو کرتا ہوں۔ مجھے کئی بار شاہ رخ کی طرح پرفارم کرنے کے لیے بلایا جا چکا ہے۔ وہاں سے بھی کچھ کمائی ہو جاتی ہے۔شاہ رخ خان سے ملاقات کے بارے میں پرشانت بتاتے ہیں: ’مجھے بڑا بریک ایک اشتہار کے بعد ملا، میں نے جس میں شاہ رخ کی طرح اداکاری کی تھی۔ سب کو پتہ چل گیا کہ مارکیٹ میں شاہ رخ کا ایک ہم شکل آیا ہے جو اچھی اداکاری بھی کر لیتا ہے۔ اشتہار بہت مقبول ہوا اور مجھے فرح خان نے ’اوم شانتی اوم‘ کے آڈیشن کے لیے بلا لیا اور میں منتخب ہو گیا۔ بس وہیں میری ملاقات شاہ رخ سے ہوئی۔پرشانت کہتے ہیں کہ شاہ رخ ان کے بارے میں معلومات رکھتے ہیں اور جب بھی وہ سیٹ پر آتے ہیں تو فلم سازوں سے ضرور پوچھتے ہیں کہ پرشانت نے کیسا کام کیا۔متعلقہ عنوان :
مزید فن و فنکار کی خبریں
-
نوازالدین صدیقی اور اہلیہ کے درمیان صلح ہوگئی
-
لیجنڈری قوال امجد صابری کو مداحوں سے بچھڑے ہوئے 8 برس بیت گئے
-
سارہ علی خان نے سیاست میں آنے کا عندیہ دے دیا
-
ان سب کو سلام جو مجھ پر تنقید کررہے ہیں‘ آئمہ بیگ کا عمرے سے واپسی پر ناقدین کو جواب
-
اکشے کمار نے یکے بعد دیگرے فلمیں فلاپ ہونے پر خاموشی توڑدی
-
ممبئی، پولیس کی حقہ بار میں کارروائی، بگ باس 17 کے فاتح منور فاروقی کو پکڑ لیا
-
ٹائی ٹینک میں ہیروئین کو بچانے کیلئے استعمال ہونے والا تختہ 20 کروڑروپوں میں نیلام
-
لندن میں ایک دوست نے اپارٹمنٹ گفٹ کیا وہیں رہتی ہوں، حریم شاہ
-
آئمہ بیگ نے عمرے کی ادائیگی کے بعد ناقدین کو آڑے ہاتھوں لے لیا
-
بھارتی اداکارہ ادیتی راؤ حیدری نے سدھارتھ سے دوسری شادی کرلی
-
سارہ علی خان نے سیاست میں آنے کا اشارہ دیدیا
-
اداکارہ جاناں ملک نے بھی سرجری کروا لی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.