تحریک انصاف نے رانا ثناء اللہ کے الزامات مسترد کر دیئے

منگل 9 دسمبر 2014 20:30

فیصل آباد(اُردو پوائنٹ اخبار تازہ ترین۔9دسمبر۔2014ء) اعجاز چودھری کہتے ہیں کہ فیصل آباد میں (ن) لیگ نے اپنے کارکنوں کو سازش کے تحت باہر نکالا۔ حکمرانوں نے پولیس کو غلام بنا رکھا ہے۔ ڈی سی او فیصل آباد کو معطل کرکے فوری گرفتار کیا جائے۔فیصل آباد میں پریس کانفرنس کرتے ہوئے تحریک انصاف پنجاب کے صدر اعجاز چودھری نے رانا ثناء اللہ کو جھوٹا قرار دے دیا۔

(جاری ہے)

کہتے ہیں گولیاں برسانا مسلم لیگ (ن) کا مائنڈ سیٹ ہے۔ فیصل آباد میں سازش کے تحت کارکنوں کو باہر نکالا گیا۔ اعجاز چودھری نے کہا کہ تحریک انصاف متاثرہ فریق ہے۔ وہی بتائے گی کی تفتیش کون کرے گا۔ تحقیقات کرنا رانا ثناء اللہ کا نہیں بلکہ پولیس کا کام ہے۔ سابق وزیر قانون، وزیر مملکت برائے پانی و بجلی اور ڈی سی او فیصل آباد کو گرفتار کیا جائے۔ پی ٹی آئی کے صوبائی صدر نے کہا کہ ان کی تحریک کا مقصد خون خرابہ نہیں بلکہ ظلم کے خلاف جدوجہد جاری رہے گی۔