لاہور بند کرنے کے حوالے سے سیکیورٹی پلان ہائیکورٹ نے طلب کر لیا

منگل 9 دسمبر 2014 21:40

لاہور(اُردو پوائنٹ اخبار تازہ ترین۔9دسمبر۔2014ء) لاہور ہائیکورٹ کے مسٹر جسٹس خالد محمود خان کی سربراہی میں قائم 3 رکنی فل بنچ نے عمران خان کے 15دسمبر کو لاہور بند کرنے کے اعلان کے حوالے سے لاہور کا سیکیورٹی پلان کل طلب کر لیا۔ انجمن تاجران لاہور نے چیئرمین تحریک انصاف عمران خان کی کال کیخلاف جان و مال کے تحفظ کیلئے لاہور ہائیکورٹ سے رجوع کررکھا ہے۔

(جاری ہے)

دوران سماعت عدالت نے فیصل آباد میں ہونے والے واقعے اور عمران خان کی آئندہ کال پر اپنے شدید رد عمل کا اظہار کیا۔ عدالت نے ریمارکس دیئے کہ 4ماہ سے خوف کی فضا ہے، اگر سول وار ہوئی تو چھپنے کی جگہ نہیں ملے گی۔ بنچ کے سربراہ جسٹس خالد محمود خان نے ریمارکس دیئے کہ حکومت کو رٹ قائم کرنے کا مظاہرہ کرنا چاہیے، کیا اس طرح حکومتیں چلتی ہیں؟حکومت نہیں چلتی تو گھر چلے جائیں، پہلے لاہور میں 13 افرادمرے، کل فیصل آباد میں ایک اور مر گیا ، بدامنی پھیلتی جارہی ہے ، قوم کو دھوکے میں نہ رکھا جائے ،پہلے بھی آدھا ملک گنوا چکے ہیں۔ کیس کی سماعت کل پھر ہو گی ۔

Facebook Twitter Google + Share on Whatsapp

لاہور بند کرنے کے حوالے سے سیکیورٹی پلان ہائیکورٹ نے طلب کر لیا

متعلقہ عنوان :

مزید اہم خبریں