پاکستان ہاکی ٹیم کے کوچ شہناز شیخ نے گرین شرٹس کو سرمائے کی کمی کے باعث درپیش مشکلات سے نکالنے کے لیے دیگر ایشیائی ممالک سے مدد کی درخواست کردی ،
ہم نے گزشتہ دو برسوں کے دوران بہت کم تعداد میں ہاکی میچز کھیلے ہیں، ان حالات میں دیگر ایشیائی ممالک خاص طور پر ہندوستان کو چاہیے کہ ہمارے ساتھ دوطرفہ سیریز کھیلے تاکہ ہم مالی طور پر مستحکم ہوسکیں، شہناز شیخ
بدھ 10 دسمبر 2014 23:26
بھونیشور( اُردو پوائنٹ تاز ترین اخبار۔ 10 دسمبر 2014ء ) پاکستان ہاکی ٹیم کے کوچ شہناز شیخ نے گرین شرٹس کو سرمائے کی کمی کے باعث درپیش مشکلات سے نکالنے کے لیے دیگر ایشیائی ممالک سے مدد کی درخواست کی ہے۔شنہاز شیخ کا کہنا ہے کہ 'ہم نے گزشتہ دو برسوں کے دوران بہت کم تعداد میں ہاکی میچز کھیلے ہیں، ان حالات میں دیگر ایشیائی ممالک خاص طور پر ہندوستان کو چاہیے کہ ہمارے ساتھ دوطرفہ سیریز کھیلے تاکہ ہم مالی طور پر مستحکم ہوسکیں'۔
ہندوستان میں جاری چیمپئنز ٹرافی میں پاکستان واحد ٹیم ہے جو ایک پوائنٹ تک حاصل نہیں کرسکی ہے۔قومی ٹیم کی اس ایونٹ میں شمولیت بھی ایک کاروباری شخص کی پرائیویٹ اسپانسرشپ کی بدولت ممکن ہوسکی جبکہ رواں برس اسے مالی مشکلات کے باعث ملائیشیا میں کھیلے جانے والے اذلان شاہ ٹورنامنٹ سے بھی دستبردار ہونا پڑا تھا۔(جاری ہے)
پاکستان رواں برس کامن ویلتھ گیمز میں بھی نیشنل اولمپکس ایسوسی ایشن تقسیم ہونے کے باعث شریک نہیں ہوسکا جبکہ وہ رواں برس نیدرلینڈ میں کھیلے جانے والے ورلڈکپ کے لیے کوالیفائی کرنے میں بھی ناکام رہا۔
نجی ٹی وی کے مطابق قومی ہاکی ٹیم کے کوچ کا کہنا تھا کہ یہ دیگر ممالک پر ہے کہ وہ اس کھیل کے لیے ہماری کوششوں کا احساس کریں، پاکستان نے ورلڈکپ (1971) اور چیمپئنز ٹرافی (1978) کی بنیاد رکھی اور اگر ہم اچھا کھیلیں گے تو اس ہاکی کے کھیل کو ہی فائدہ ہوگا۔رواں چیمپئنز ٹرافی کے پول اے میں شامل پاکستان کو انگلینڈ کے ہاتھوں 2-8، آسٹریلیا کے ہاتھوں 0-3 اور بیلجئیم کے ہاتھوں 1-2 سے شکست کا سامنا کرنا پڑا تھا تاہم اس ٹورنامنٹ میں شریک آٹھوں ٹیموں کو کوارٹر فائنل مرحلے میں جگہ ملی ہے اور پاکستان ناک آ?ٹ مرحلے کے اس میچ کے لیے جمعرات کو نیدرلینڈ کا سامنا کرے گا۔شہناز شیخ کا اس بارے میں کہنا ہے کہ بیلجئیم کے خلاف ہمارا میچ ایک برس سے زائد عرصے میں کسی یورپی ٹیم کے خلاف پہلا میچ تھا، علاوہ ازیں ہمیں یہ نہیں بھولنا چاہئے ہم اس ٹورنامنٹ میں شریک سب سے کم تر رینکنگ والی اور مستقبل کے لیے تیار کی جانے والی ٹیم ہیں۔قومی کوچ نے کہا کہ اگر ہمیں دیگر ٹیموں کے ساتھ کھیلنے کا موقع نہیں ملے گا تو ہمارے کھلاڑیوں کے اندر مستقل مزاجی کی کمی برقرار رہے گی، عالمی ہاکی کا دبا? ڈومیسٹک میچز سے مختلف ہوتا ہے اور اپنی پوزیشن دوبارہ حاصل کرنے کے لیے ہمیں وقت درکار ہوگا۔ کپتان محمد عمران نے اسے مایوس کن ٹورنامنٹ قرار دیتے ہوئے کہا کہ ہم اپنی غلطیوں کو سمجھتے ہیں مگر ٹاپ لیول پر مقابلوں کے لیے ہمیں ان پر فوری قابو پانے کی ضرورت ہے۔مزید کھیلوں کی خبریں
-
عامر خان کاباکسنگ کے حوالے سے غیر سنجیدگی پر سوالات اٹھاتے ہوئے ملک میں باکسنگ کی دگرگوں حالت پر مایوسی کا اظہار
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.