جنوبی افریقا کی دوشیزہ حسینہ عالم منتخب ہوگئیں۔۔۔
مس ورلڈ کے فائنل مقابلے میں 120 حسیناوٴں کو مات دے کر حسن کی ملکہ کا اعزاز پانے والی 22 سالہ رولین اسٹروٴس ملکہ حسن کا تاج سر پر پہن کر دلوں پر بجلیاں گراتی رہیں ،ہنگری اور امریکا کی حسینائیں رنرر اپ قرار پائیں
پیر 15 دسمبر 2014 14:00
لندن(اُردو پوائنٹ اخبارتاز ترین ۔15دسمبر 2014ء)لندن میں ہونے والے عالمی مقابلہ حسن 2014ء کا ٹائٹل جنوبی افریقا کی حسینہ رولین اسٹروٴس نے جیت کر مس ورلڈ کا تاج اپنے سر پر سجایا لیا۔ روایت کے مطابق سابقہ مس ورلڈ، فلپائنی حسینہ میگن ینگ نے اْنھیں اپنے ہاتھوں سے مس ورلڈ کا تاج پہنایا۔غیرملکی خبررساں ادارے کے مطابق مس ورلڈ کے فائنل مقابلے میں 120 حسیناوٴں کو مات دے کر حسن کی ملکہ کا اعزاز پانے والی 22 سالہ رولین اسٹروٴس ملکہ حسن کا تاج سر پر پہن کر دلوں پر بجلیاں گراتی رہیں جبکہ مقابلے میں شریک حسیناوٴں کی جانب سے مبارک سلامت بھی سمیٹتی رہیں۔
مس ورلڈ کا انتخاب فائنل مقابلے میں پانچ ملکوں کی حسنیاوٴں میں سے کیا گیا جن میں سے قرعہ فال مس جنوبی افریقا کے نام کی نکلا۔(جاری ہے)
رنر اپ حسینہ کا اعزاز مس ہنگری ایڈینا کولکسار نے حاصل کیا اور عالمی مقابلہ حسن کے تیسرے تاج کی حقدار امریکی حسینہ ایلزیبتھ سیفرٹ کوٹھہرایا گیا۔
رولین اسٹروٴس کی شخصیت خوبصورتی اور ذہانت کی بہترین مثال ہے۔
وہ فری اسٹیٹ یونیورسٹی میں میڈیسن کے چوتھے سال میں ہیں، اور ساتھ ہی، ایم بی اے کی تعلیم حاصل کر کے بزنس کرنے کا ارادہ بھی رکھتی ہیں۔مس ورلڈ مقابلہ حسن 20 نومبر سے لندن میں شروع ہوا، جس میں دنیا بھر کے مختلف ممالک سے تعلق رکھنے والی 120 حسیناوٴں نے حصہ لیا۔ تین ہفتوں تک جاری رہنے والے مقابلے کی فائنل تقریب گزشتہ روز ایکسل لندن ایگزیبیشن اینڈ کنونشن ہال میں منعقد ہوئی۔مس ورلڈ کے 46 واں ایڈیشن کی فائنل تقریب کی میزبانی کے فرائض سابقہ مس ورلڈ میگن ینگ اور فرانکی سینا نے ادا کئے۔ مس ورلڈ مقابلے کی فائنل تقریب جو کہ براہ راست نشر کی گئی دنیا کے بیشتر ممالک میں دیکھی گئی۔اگرچہ رواں برس مس ورلڈ مقابلے کی تمام کیٹگریز میں مضبوط امیدوار نظر آنے والی مس انڈیا کوئل رانا نے فائنل مقابلے میں ٹاپ 10 میں بھی نمایاں پوزیشن حاصل کی لیکن، ٹاپ 5 حسینہ کے طور پر وہ ججوں کو متاثر نہیں کر سکیں۔فائنل مقابلے کی اس شاندار تقریب میں سابقہ مس ورلڈ ممتاز بھارتی اداکارہ ایشوریہ رائے اپنے شوہر، اداکار ابھیشک بچن اور بیٹی ارادھیا کے ساتھ شریک ہوئیں۔مس ورلڈ کی فائنلسٹ کا انتخاب ججوں کی جانب سے مقابلہ حسن کے چھ مختلف مقابلوں کی پرفارمنس کو دیکھتے ہوئے کیا جاتا ہے جبکہ مس ورلڈ کا انتخاب ججوں کی متفقہ رائے سے کیا جاتا ہے.مزید فن و فنکار کی خبریں
-
یہ خواہش کرنا بیٹا اداکار نہ بنے، منافقت نہیں ہے، یاسر حسین
-
اداکاری سے قبل پری سکول میں بچوں کے ڈائپر تبدیل کرتی تھی، کیارا ایڈوانی
-
فواد خان کی اداکارہ ممتاز کیساتھ تصاویر وائرل
-
ڈچ اداکار و گلوکار ڈونی رولوِنک نے اسلام قبول کر لیا
-
اقرا سے بڑھ کر کوئی نہیں، بچہ بھی اس کے بعد آتا ہے ، یاسر حسین
-
رنویرسنگھ نے اپنی ڈیپ فیک ویڈیو کیخلاف مقدمہ درج کروا دیا
-
فیصل قریشی کو ٹی وی ڈرامے کے ڈائیلاگ مہنگے پڑ گئے
-
سلمان کے گھرپرفائرنگ ، تحقیقات میں مزید سنسنی خیز انکشافات
-
بالی ووڈ میں نفسیاتی مریضوں کی کمی نہیں، نرگس فخری
-
پاکستانی فلم انڈسٹری کے معروف اداکار و فلمسازنعیم ہاشمی کی48ویں برسی 27اپریل کو منائی جائے گی
-
پاکستانی اداکارہ درفشاں سلیم کے پاکستان کے ساتھ بھارت میں بھی ہزاروں مداح
-
اداکارہ پیرس ہلٹن،اپنی بیٹی لندن مارلن کو دنیا سے متعارف کرا دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.