سانحہ پشاور ، پاکستان بار کونسل ، پنجاب بار کونسل اور لاہور ہائیکورٹ بار کا کل مکمل ہڑتال ، یوم سوگ کا اعلان
منگل 16 دسمبر 2014 16:59
لاہور (اُردو پوائنٹ تازہ ترین اخبار۔ 16 دسمبر 2014ء) پاکستان بار کونسل ، پنجاب بار کونسل اور لاہور ہائیکورٹ بار ایسوسی ایشن نے سانحہ پشاور کی شدید الفاظ میں مذمت کرتے ہوئے کل بدھ کو مکمل ہڑتال کا اعلان کر دیا ، عدالتی کارروائیوں کا مکمل بائیکاٹ کیا جائیگا، عبوری ضمانتوں کے مقدمات میں صرف سائلین پیش ہونگے ۔ پاکستان بار کونسل کے وائس چیئرمین برہان معظم ملک نے پشاور کے کینٹ ایریا میں وارسک روڈ پر واقع پبلک سکول میں دہشتگردوں کے حملے کے نتیجے میں خاتون ‘ مرد ٹیچر اور بچوں سمیت 100سے زائد افراد کی شہادت پر انتہائی افسوس کا اظہار کرتے ہوئے لواحقین سے ہمدردی کا اظہار کیا ہے ۔
اپنے ایک بیان میں برہان معظم ملک نے کہا کہ بچوں کو شہید کر کے دہشت گردوں نے اسلام دشمنی کا ثبوت دیا ، دہشت گردوں کیخلاف تمام فورسزکے یکجا ہونے کی ضرورت ہے ۔(جاری ہے)
انہوں نے کل بدھ کو مکمل ہڑتال ہو گئی وکلاء عدالتوں میں پیش نہیں ہونگے ۔ انہوں نے وفاقی اور صوبائی حکومتوں سے مطالبہ کیا کہ فوری طور پر مجرموں کو گرفتار کر کے انہیں قرار واقعہ سزا دی جائے ۔
پنجاب بار کونسل کی ایگزیکٹو کمیٹی کے چیئرمین چوہدری طاہر نصر اللہ نے بھی سانحہ پشاور کی شدید الفاظ میں مذمت کرتے ہوئے آج یوم سوگ منانے کا اعلان کیا ۔لاہور ہائیکورٹ بار ایسوسی ایشن کے صدر شفقت محمود چوہان ، نائب صدر عامر جلیل صدیقی ،سیکرٹری میاں محمد احمد چھچھراور فنانس سیکرٹری میاں محمد اقبال نے پشاور میں آرمی پبلک سکول پر دہشت گردی کے واقعہ کی پرزور مذمت کرتے ہوئے کہا کہ معصوم اور بے گناہ بچوں کو وحشیانہ طریقے سے شہید کیا گیا جسمیں آمدہ اطلاع کے مطابق اب تک 104بجے شہید ہو چکے ہیں اور لا تعداد زخمی ہیں۔ انہوں نے کہا کہ ضرب غصب کے نتیجہ میں دہشت گردی پر کافی حد تک قابو پایا جا چکا ہے لیکن وطن دشمن اور اسلام مخالف قوتوں کی سرکوبی ابھی تک مکمل نہیں ہوئی۔انہوں نے حکومت سے مطالبہ کیا کہ دہشت گردی کے واقعات پر قابو پانے کیلئے مزید سر گرم اور مستعد ہونے کی ضرورت ہے۔ انہوں نے شہید بچوں کے لواحقین سے اظہار ہمدردی اور زخمیوں کی جلد صحت یابی کیلئے دعا کی۔ لاہور ہائیکورٹ بار ایسوسی ایشن سانحہ آرمی پبلک سکول ، پشاور کے سوگ میں کل بدھ کو عدالتی کاروائی کا مکمل بائیکاٹ کرے گی اور ارجنٹ مقدمات میں بھی وکلا پیش نہ ہوں گے۔ عبوری ضمانتوں کے مقدمات میں صرف سائلین پیش ہوں گے۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.