طالبان نے خونی درندوں کی مزید تصاویر جاری کر دیں

بدھ 17 دسمبر 2014 18:43

پشاور(اُردو پوائنٹ اخبار تازہ ترین۔17دسمبر۔2014ء) پشاور کے سکول میں دہشت گردی برپا کرنے والے خونی درندوں کی مزید تصاویر منظر عام پر آگئی ہیں جن میں ان کو حملے کرنے سے کچھ عرصہ قبل بھاری اسلحہ کے ساتھ دکھایا گیا ہے۔

(جاری ہے)

یہ تصاویر دہشت گرد طالبان گروہ کے ترجمان محمد خراسانی کی جانب سے بین الاقوامی میڈیا کو ارسال کی گئی ہیں جن میں چھ دہشت گرد وں کوہاتھ میں جدید اسلحہ لے کر ’کلمہ طیبہ‘ کے بینر کے نیچے دکھایا گیا ہےاور ان کی تصاویر نامعلوم مقام پر اتاری گئی ہیں،یہ بھی علم ہوا ہے کہ یہ تصاویرپشاور سکول پر حملہ کرنے سے کچھ دن قبل لی گئی ہیٰں۔

دہشت گرد وں کے ترجمان خراسانی کا کہنا ہے کہ یہ حملہ پاکستانی فوج کو سبق سکھانے کے لئے کیا گیا ہے ،ترجمان نے پاکستانی عوام کو خبردار کرتے ہوئے کہا ہے کہ وہ فوج سے اپنے آپ کو دور کر لیں ورنہ اس طرح کے حملے مستقبل میں بھی جاری رہیں گے۔اس بات کا بھی انکشاف ہوا ہے کہ اس دہشت گردی اور بربریت کا حکم ملا فضل اللہ عرف ملا ریڈیوکی جانب سے جاری کیا گیا ہے جو اس وقت افغانستان میں چھپا ہوا ہے۔

Facebook Twitter Google + Share on Whatsapp

طالبان نے خونی درندوں کی مزید تصاویر جاری کر دیں

متعلقہ عنوان :

مزید اہم خبریں