کرینہ کپورکو اظہرالدین کی اہلیہ کا کردار ادا کر نے کی پیشکش

جمعرات 18 دسمبر 2014 12:52

کرینہ کپورکو اظہرالدین کی اہلیہ کا کردار ادا کر نے کی پیشکش

ممبئی (اُردو پوائنٹ تازہ ترین اخبار۔ 18 دسمبر 2014ء)بالی وڈ کی معروف اداکارہ کرینہ کپور خان پردے سیمیں پر بھارت کے سابق کرکٹر اور کپتان محمد اظہرالدین کی بیوی سنگیتا بجلانی کا رول ادا کر سکتی ہیں۔بھارتی اخبار کے مطابق اظہرالدین کی زندگی پر مبنی فلم میں سنگیتا بجلانی کے رول کے لیے کرینہ کپور کو پیش کش کی گئی ہے۔فلم میں اظہرالدین کا لیڈ کردار اداکار عمران ہاشمی ادا کر رہے ہیں۔

اظہرالدین کا کردار کئی قسم کے نشیب و فراز سے مترادف ہے۔ انھوں نے 99 ٹیسٹ میچوں میں چھ ہزار سے زیادہ رنز بنائے ہیں جن میں 22 سنچریاں شامل ہیں۔ بعد میں وہ کانگریس پارٹی کی جانب سے رکن پارلیمان بھی بنے۔اطلاعات کے مطابق اپنے رول کی تیاری کے لیے وہ مسلسل اظہرالدین کے ساتھ رابطے میں ہیں۔

(جاری ہے)

بیرون ملک چھٹی گذارنے کے بعد ہی وہ اس بارے میں کوئی فیصلہ کریں گی-اس سے پہلے بھی ایک فلم کے لیے عمران ہاشمی اور کرینہ سے اس سال رجوع کیا گیا تھا لیکن کرینہ نے”بااثر“ کردار نہ ہونے کی وجہ سے فلم کی پیشکش ٹھکرا دی تھی۔

کرینہ کپور فی الحال نئے سال کی چھٹیاں منانے اپنے شوہر سیف علی خان کے ساتھ بیرون ملک جا رہی ہیں۔اظہرالدین نے دنیائے کرکٹ میں پہلے تین میچوں میں تین سنچری بناکر سنسنی پھیلا دی تھی-کہا جا رہا ہے کہ وہاں سے لوٹ کر ہی وہ اس فلم کے بارے میں کوئی حتمی فیصلہ کریں گی۔تاہم بالی وڈ ہنگامہ کے مطابق کرینہ کپور کی جانب سے ملنے والی اطلاعات میں کہا گیا ہے کہ وہ اس فلم میں اس لیے دلچسپی رکھتی ہیں کیونکہ ابھی تک انھوں نے کوئی بایوپک نہیں کی ہے۔