عوام اور سیاسی جماعتوں کا اتحاد دہشت گردوں کو کچلنے کیلئے پہلا قدم ہے، نواز شریف

آخری دہشت گرد کے خاتمے تک آپریشن ضرب عضب جاری رہے گا وزیراعظم کی رائیونڈ میں عرب امارات کے شہزادوں سے بات چیت

ہفتہ 20 دسمبر 2014 16:06

عوام اور سیاسی جماعتوں کا اتحاد دہشت گردوں کو کچلنے کیلئے پہلا قدم ..

رائیونڈ( اُردو پوائنٹ تازہ ترین اخبار۔ 20 دسمبر 2014ء ) وزیراعظم میاں محمد نواز شریف نے کہا ہے کہ عوام سمیت تمام سیاسی جماعتوں کا اتحاد دہشت گردوں کو کچلنے کیلئے پہلا قدم ہے اور آخری دہشتگرد کے خاتمے تک آپریشن ضرب عضب جاری رہے گا ۔ ہفتہ کے روز وزیراعظم میاں محمد نواز شریف سے رائیونڈ میں ان کی رہائش گاہ پر عرب امارات کے شہزادوں نے ملاقات کی ۔

(جاری ہے)

ملاقات میں سانحہ پشاور میں قیمتی جانوں کے ضیاع پر گہرے دکھ اور رنج کااظہار کیا گیا اس موقع پر نواز شریف کا کہنا تھا کہ ملک کو دہشت گردی کے عفریت سے چھٹکارے کیلئے تمام تر وسائل بروئے کار لائیں گے اور اس موقع پر عوام سمیت تمام سیاسی جماعتوں کا متحد ہونا دہشت گردی کو شکست دینے کی طرف پہلا قدم ہے اس کے ساتھ ساتھ حکومت عوامی منصوبوں کی فلاح وبہبود کیلئے بھی تیزی سے کام کررہی ہے۔