پاکستان، جنوبی افریقہ اور سری لنکا کے درمیان سہ فریقی سیریز کا فیصلہ
جمعرات 25 دسمبر 2014 16:20
لاہور( اُردو پوائنٹ تازہ ترین اخبار۔ 25 دسمبر 2014ء ) پاکستان کرکٹ بورڈ نے جنوبی افریقہ اور سری لنکا کے اشتراک سے یو اے ای میں سہ فریقی ون ڈے سیریز کے انعقاد کا پروگرام تشکیل دیا ہے۔ نوجوان کرکٹرز کو گروم کرنے کے لیے سیریز کا انعقاد آئندہ سال ہوگا جبکہ کینیا کے بعد ہالینڈ کی ٹیم بھی پاکستان کا دورہ کرے گی۔پاکستان کرکٹ بورڈ نے ملک میں انٹرنیشنل کرکٹ کی بحالی کے ساتھ نوجوان کرکٹرز کو گروم کرنے کی کوششیں بھی شروع کردی ہیں۔
کینیا کا حالیہ دورہ ملک میں بین الاقوامی کرکٹ کی بحالی کی جانب پہلا قدم تھا۔ اب ہالینڈ کی ٹیم بھی پاکستان کا دورہ کرے گی جس کے میچ کراچی میں بھی کروائے جائیں گے۔ ڈچ ٹیم کو فول پروف سیکیورٹی فراہم کرنے کے لیے چیئرمین پی سی بی شہریار خان نے گورنر سندھ عشرت العباد سے ملاقات بھی کی ہے۔(جاری ہے)
اس کے بعد آئندہ سال مختلف ممالک کی جونیئر اور اے ٹیموں کو پاکستان مدعو کیا جائے گا۔
شہریار خان کے مطابق نوجوان کرکٹرز کو انٹرنیشنل میچز کا تجربہ فراہم کرنے کے لیے یو اے ای میں سہ فریقی ون ڈے سیریز کے انعقاد کی منصوبہ بندی کی جارہی ہے جس میں جنوبی افریقہ اور سری لنکا کی اے ٹیمیں شرکت کریں گی۔ پچاس اوورز کی سیریز کی تجویز جنوبی افریقہ نے پیش کی تھی۔ پی سی بی اب اس پر عمل کرنے کے لیے بے چین ہے۔شہریار خان نے کہا کہ دو ہزار نو میں سری لنکن ٹیم پر حملے سے پاکستان کرکٹ کو بہت نقصان پہنچا ہے تاہم اب حالات میں بہتری آرہی ہے۔ کئی انٹرنیشنل ٹیموں نے پاکستان میں میچز کھیلنے کا عندیہ دیا ہے جنہیں حکومت کے تعاون سے بھرپور سیکیورٹی فراہم کی جائے گی۔مزید کھیلوں کی خبریں
-
کاکول میں سخت ٹریننگ،بعض کھلاڑیوں نے تھکاوٹ کے باعث کرسی پر بیٹھ کر نماز ادا کی
-
میامی اوپن ٹینس مینز سنگلز،گریگور دیمتروف اور الیگزینڈرزویروف سیمی فائنل میں پہنچ گئے
-
قومی فٹبال ٹیم کے فارورڈ کھلاڑی فرید اللہ کی انجری کی کامیاب سرجری
-
میامی اوپن ٹینس ویمنز سنگلز،ایلینا ریباکینااور ڈینیئل کولنز فائنل میں پہنچ گئیں
-
کپتانی صرف فیلڈ تک محدود ذمہ داری نہیں ہوتی، شان مسعود
-
آل پاکستان رمضان کپ باسکٹ بال ٹورنامنٹ کے مقابلے اسلام آباد میں جاری
-
ارجنٹائن کے اسٹارفٹبالرلیونل میسی نے اپنی عمر کی وجہ سے ریٹائرمنٹ کا امکان مسترد کردیا
-
لندن،انگلش پریمیئر لیگ کے دلچسپ مقابلے جاری،لیگ میں کل مزید 7 میچوں کا فیصلہ ہوگا
-
آئی پی ایل 2024ء: وریندر سہواگ نے ایم ایس دھونی کو ’بزرگ‘ کہہ دیا
-
افغان سپنر مجیب الرحمان انجری کے باعث آئی پی ایل سے باہر
-
کبھی کبھی سوچتا ہوں کیا آئی پی ایل کرکٹ بھی ہے؟، روی ایشون کی اشتہاری شوٹ کرنے والے کھلاڑیوں پر تنقید
-
کپتان کی ممکنہ تبدیلی، پی سی بی نے شاہین آفریدی کو اندھیرے میں رکھا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.