تحریک انصاف کا حکومت کی سال بھر کی کارکردگی پرحقائق پر مبنی وائٹ پیپر جاری کرنے کا فیصلہ،
اعدادوشمار کے گورکھ دھندے کے علاوہ حکومت کی عملی کارکردگی زیرو ہے‘ ضلعی صدر عبدالعلیم خان
ہفتہ 27 دسمبر 2014 21:13
لاہور ( اُردو پوائنٹ اخبار تازہ ترین۔27دسمبر 2014ء) تحریک انصاف نے حکومت کی اصل کارکردگی کو منظر عام پر لانے کیلئے اصل حقائق پر مبنی وائٹ پیپر جاری کرنے کا فیصلہ کیا ہے ۔اس سلسلے میں پی ٹی آئی ضلع لاہور کے صدر عبدالعلیم خان نے بتایا کہ امن و امان ،تعلیم ،صحت اور دیگر شعبوں میں حکومت کی اعدادوشمار کے گورکھ دھندے کے علاوہ عملی کارکردگی صفر جمع صفر ہے صرف اشتہارات اور پراپیگنڈے کا ڈھول پیٹا جا رہا ہے تحریک انصاف نواز لیگ کے منشور کے مطابق حقائق منظر عام پر لائے گی تا کہ اصل تصویر سب کے سامنے آسکے ۔
انہوں نے کہا کہ حکومت اپنے سالانہ تر قیاتی پروگرام پر عمل نہیں کر سکی ۔بڑے بڑے من پسند پرا جیکٹس کیلئے عوامی مفاد کے دیگر منصوبوں کو قربان کر دیا گیا اسی طرح مختلف منصوبوں کی لاگت میں کئی گنا اضافے سے سرکاری خزانے کو اربوں روپے کا ٹیکہ لگایا گیا ۔(جاری ہے)
پنجاب حکومت نے بلدیاتی اداروں کا بیڑہ غرق کرکے رکھ دیا ہے اور شہر ی اداروں کے فنڈز صوبائی منصوبوں پر لگائے جا رہے ہیں سرکاری اداروں کی مانیٹرنگ کو غیر فعال کر دیا گیا ہے عبدالعلیم خان نے کہا کہ تحریک انصاف حکومتی کارکردگی کا پردہ چاک کر ے گی اور سال بھر کی اصل تصویر کشی کرتے ہوئے پی ٹی آئی وائٹ پیپر ضرور شائع کریگی تا کہ دودھ کا دودھ اور پانی کا پانی ہو سکے اور حکومتی کھوکھلے دعوؤں کا پول کھل سکے جس نے عام آدمی کی مشکلات میں اضافے کے علاوہ کچھ نہیں کیا ۔
بے روزگاری اور قومی قرضوں کی شرح بڑھ گئی اور ملکی اقتصادی حالت پہلے سے خراب تر ہوئی اور عالمی سطح پر پاکستان کی ریٹنگ نیچے آئی انہوں نے کہا کہ تحریک انصاف قومی معاملات پر خاموش نہیں رہے گی اور عوام کو اصل صورت حال سے آگاہ کرتے رہیں گے ۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.