سعودی عرب نے وزٹ ویزے پر آنے والوں کیلئے ہیلتھ انشورنس سرٹیفکیٹ کو لازمی قرار دید یا
جمعرات 1 جنوری 2015 17:59
ریاض(اُردو پوائنٹ اخبارتاز ترین ۔ 1جنوری 2015ء) سعودی عرب نے وزٹ ویزے پر آنے والوں کے لیے ہیلتھ انشورنس سرٹیفکیٹ کو لازمی قرار دے دیا ہے ،تاہم عازمینِ حج وعمرہ اس سے مستشنیٰ ہوں گے۔سعودی وزیر صحت کے زیر صدارت ہونے والے اہم اجلاس کے بعد سعودی کوآپریٹو ہیلتھ انشورنس کونسل کی طرف سے یہ اعلان سامنے آیا ہے کہ ''وزٹ'' ویزے پر آنے والوں کے لیے ''ہیلتھ انشورنس سرٹیفکیٹ پیش کرنا لازم ہو گا۔
اس بارے میں ایک سرکاری ذمہ دار نے بتایا ہے کہ '' جو لوگ سعودی ویزے کے لیے درخواست دیتے ہیں یا سعودی عرب میں اپنے قیام میں توسیع کے خواہشمند ہوتے ہیں، یا محض ٹرانزٹ کے لیے انہیں سعودی عرب میں مختصرا قیام کرنا ہو گا انہیں اور ان کے ساتھ موجود زیر کفالت اہل خانہ کو ویزے کے حصول کے لیے ہیلتھ انشورنس سرٹیفکیٹ لازما پیش کرنا ہو گا۔(جاری ہے)
اس صورت میں ایسے تمام افراد کو کسی حادثے کے باعث ہنگامی علاج معالجے کی سہولیات کے علاوہ ابتدائی طبی امداد دی جا سکے گی۔
ان سہولیات میں ائیر ایمبولینس کی فراہمی ایسی سہولیت بھی شامل ہوں گی۔ معلوم ہوا ہے کہ اس نئی ''ہیلتھ انشورنس پالیسی'' کی منظوری سعودی کابینہ دے چکی ہے۔تاہم صحت کے حوالے سے یہ نئی اعلان کردہ اس نئی پالیسی کا اطلاق حج و عمرہ کے لیے آنے والوں اور سفارتی پاسپورٹس پر سعودی عرب آنے والوں پر نہیں ہوگا۔سعودی حکام کا اس بارے میں کہنا تھا ہیلتھ انشورنس سرٹیفکیٹس کی موجودگی علاج معالجے کے اخراجات فراہم اور برداشت کرنے کا ''میکنازم ''بنانے کے لیے ضروری ہیں۔تاہم سعودی حکام نے اس نئی سکیم کے نفاذ کے لیے کسی متعین تاریخ کا اعلان کیے بغیر یہ تصدیق کی ہے کہ اس فیصلے پر عمل در آمد میں دیر نہیں ہو گی۔واضح رہے اس حوالے سے انشورنس پریمیم کی رقم ایک ماہ کے لیے ایک سو سعودی ریال ہو سکتی ہے۔ البتہ ابھی یہ واضح نہیں ہو سکا کہ یہ پالیسی کسی ایک انشورنس کمپنی کی مدد سے نافذالعمل ہو گی یا اس کے لیے ایک سے زائد انشورنس کمپنیوں سے مدد لی جائے گی۔تاہم حکام کا کہنا ہے کہ سعودی حکومت کی سطح سے اس سلسلے میں ابھی مزید فیصلوں کا امکان ہے، تاکہ اس اہم فیصلے پر عمل در ا?مد ممکن ہو سکے۔ ایک ماہر کا کہنا ہے کہ سعودی عرب میں انشورنس کی مارکیٹ پچیس ارب سعودی ریال کے حجم کی حامل ہےمتعلقہ عنوان :
مزید بین الاقوامی خبریں
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
-
افغانستان، خواتین کو کھلے میدان میں سنگسار کرنے کا اعلان
-
مسجد حرام میں زائرین کے لیے روبوٹ گائیڈ سسٹم فعال
-
عرب اونٹ فیڈریشن کا العلا میں اپنی پہلی چیمپئن شپ کا اعلان
-
سعودی عرب کی 800 ہیکٹر فلسطینی اراضی پراسرائیلی قبضے کی مذمت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.