وزیر اعلی پنجاب کی طرف سے بے قابو ٹرالر روکنے والے بہادر شہری کے لئے اعزازی شیلڈ،وزیر محنت راجہ اشفاق سرور نے اطہر علی یاد کی بہادری اور جرات کے اعتراف میں شیلڈ پیش کی ،اطہر علی یاد جیسے بہادر نوجوان نہ صرف پاکستان بلکہ اقوام عالم میں بھی ملک کا نام روشن کر رہے ہیں، راجہ اشفاق سرور
منگل 6 جنوری 2015 21:04
لاہور(اُردو پوائنٹ تازہ ترین اخبار۔ 06 جنوری 2015ء) صوبائی وزیر محنت و انسانی وسائل راجہ اشفاق سرور نے موٹر وے پر جان پر کھیل کر ہیوی ٹرالر کو روکنے والے بہادر شہری اطہر علی یاد کو ان کی خدمات کے اعتراف کے طو رپر حکومت پنجاب کی طرف سے اعزازی شیلڈ پیش کی- بارسیلوز ریسٹورنٹ گلبرگ میں بہادری شہری اطہر علی یاد کے اعزاز میں حکومت پنجاب کی طرف سے منعقدہ تقریب سے خطاب کرتے ہوئے صوبائی وزیر راجہ اشفاق سرور نے کہا کہ حکومت پنجاب اپنی جان خطرے میں ڈال کر دوسروں کے لئے گراں خدمات سرانجام دینے والے اطہر علی جیسے قومی ہیروز کو قدر کی نگاہ سے دیکھتی ہے- معاشرے میں دوسروں کی بقا کے لئے اپنی جان کی پرواہ نہ کرنا بہادر اور دلیر لوگوں کا شیوہ ہے اور ایسے ہی بہادر لوگوں کی وجہ سے نہ صرف پاکستان بلکہ اقوام عالم میں بھی ملک کا نام روشن ہو رہا ہے ،انہوں نے اس موقع پر میڈیا کے نمائندوں سے گفتگو کرتے ہوئے کہا کہ موٹر وے جیسی مصروف شاہراہ پربے قابو ٹرالر پر سوار ہو کر کو دو میل تک اسے روکنے کی کامیاب کوشش کر کے اطہر علی یاد نے ثابت کیا ہے کہ پاکستانی نوجوان انتہائی جرات مند او باصلاحیت ہیں ایسے ہی لوگ پاکستان کے لئے باعث فخر ہیں اور دنیا بھر میں پاکستان کا مثبت تشخص اجاگر کر رہے ہیں -انہوں نے کہا کہ اطہر علی یاد نے اپنے جرات مندانہ اقدام سے کئی قیمتی جانوں کا ضیاع ہونے سے بچایا ہے اور وہ وفاقی اور پنجاب حکومت کو اطہر علی یادکو ان کی بہادری اور نڈر اقدام کے نتیجے میں اعلی ترین سول ایوارڈ دئیے جانے کی سفارش بھی کریں گے - اطہر علی یاد نے اس موقع پر صحافیوں سے گفتگو کرتے ہوئے کہا کہ بے قابو ٹرالر کو دیکھ کر ان کے دل میں صرف ایک ہی خیال آیا تھا کہ کہیں اس سے کوئی سنگین حادثہ نہ پیش آ جائے - چنانچہ انہوں نے اپنے اہل خانہ کے منع کرنے کے باوجود اپنی جان کی پرواہ نہ کرتے ہوئے یہ قدم اٹھایا اور کوئی بڑا حادثہ رونما ہونے سے بچ گیا- انہوں نے کہا کہ وہ وزیر اعلی محمد شہباز شریف کی طرف سے اعزازی شیلڈ دئیے جانے پر ان کے تہہ دل سے شکر گزار ہیں -تقریب میں اطہر علی یاد کے اہل خانہ ، بچوں عرش یاد علی ،عصر یاد علی اور دیگر شعبہ ہائے زندگی سے نمایاں شخصیات بھی موجود تھیں ۔
مزید اہم خبریں
-
ماہانہ 20 لاکھ روپے تک کی تنخواہ پر نئی تعیناتیوں کی راہ ہموار ہو گئی
-
پاکستان آئی ایم ایف کے طویل بیل آؤٹ پروگرام کا خواہاں ہے، وزیرخزانہ
-
عدالت کے حکم پر بشریٰ بی بی کا نجی اسپتال میں میڈیکل چیک اپ
-
پی آئی آے کے شیئر ہولڈرز کی اکثریت نے پی آئی اے ہولڈنگ کمپنی کے حق میں فیصلہ سنا دیا
-
صدرمملکت آصف علی زرداری نے سینیٹ اجلاس 25 اپریل کو طلب کر لیا
-
پی آئی اے کا پیرس کو یورپی فلائٹ آپریشن کے لیے حب بنانے کا فیصلہ
-
کچے میں ظلم ہورہا ہے، سندھ پولیس ہمارے پیچھے پڑی ہے، حلیم عادل شیخ
-
پاکستان، ایکسپورٹ کنٹرول کے سیاسی استعمال کو مسترد کرتا ہے، سماجی و اقتصادی ترقی کے حصول کے لئے ٹیکنالوجی تک رسائی کو یقینی بنانے کے لئے ایک معروضی میکانزم کے لئے متعلقہ فریقوں کے مابین تبادلہ خیال ..
-
صدرمملکت آصف علی زرداری نے سینیٹ اجلاس 25 اپریل کو طلب کر لیا
-
آئی جی اسلام آباد کی تعیناتی پر معاملات طے پا گئے
-
’یہ الیکشن سے زیادہ مودی پر ریفرنڈم ہے‘
-
وزیر داخلہ محسن نقوی سے ایرانی سفیر کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.