پارلیمان فوجی عدالتوں کی کارروائی پر مکمل نظر رکھے گی: اعتزاز احسن

ہفتہ 10 جنوری 2015 19:58

لاہور(اُردو پوائنٹ اخبارتازہ ترین۔10جنوری۔2015ء) سینٹر اعتزاز احسن نے کہا ہے کہ یہ سمجھنا غلط ہوگا کہ فوجی عدالتوں کے قیام کا قانون منظور کر کے پارلیمان نے اپنے اختیارات سے دستبرداری اختیار کی ہے جبکہ سینٹرحاصل بزنجو نے فوجی عدالتوں کے قیام کو وقت کی ضرورت قرار دیا ہے۔

(جاری ہے)

الحمرا ہال میں ترکی کے بانی کمال اتاترک کے بارے میں ایک کتاب کی تقریب رونمائی سے خطاب کرتے ہوئے اعتزاز احسن کا کہنا تھا کہ پاکستان نہیں بلکہ اسلام کے نام پر اسلام کے خلاف لڑنے والے دہشت گردوں کو سزائیں دینے کے لیے سول نظام کے تحت کی جانے والی کارروائی کے بہتر نتائج سامنے نہیں آ رہے تھے۔

اُنہوں کا کہنا تھا کہ پارلیمان، فوجی عدالتوں کی کارروائی پر مکمل نظر رکھے گی اور فوجی افسروں کی بجائے وزارت داخلہ یہ فیصلہ کرے گی کہ کون سے کیسز فوجی عدالتوں کو بھجوانے ہیں۔اِس موقع پر سینٹرحاصل بزنجو نے اپنے خطاب میں کہا کہ یہ پہلا موقع ہے جب پوری قوم دہشت گردوں کے خلاف متحد ہو گئی ہے اور اِس کے یقینا بہتر نتائج برآمد ہوں گے۔ تقریب سے مختلف دیگر مقررین نے بھی خطاب کیا جبکہ اِس میں ہر شعبہ زندگی سے تعلق رکھنے والوں کی کثیر تعداد شریک تھی۔

Facebook Twitter Google + Share on Whatsapp

پارلیمان فوجی عدالتوں کی کارروائی پر مکمل نظر رکھے گی: اعتزاز احسن

متعلقہ عنوان :

مزید اہم خبریں