خیبرپختونخواحکومت نے ”صاف پانی سب کیلئے “ کے نام سے جامع سکیم تیار کرلی
ہفتہ 10 جنوری 2015 20:54
پشاور(اُردو پوائنٹ اخبار تازہ ترین۔10جنوری2015ء) صوبائی وزیر آبنو شی شاہ فرمان خان نے کہاہے کہ خیبرپختونخواحکومت نے ”صاف پانی سب کیلئے “ کے نام سے جامع سکیم تیار کی ہے جس کا بنیادی مقصد صوبے کے تمام لوگوں کوپینے کے صاف پانی کی فراہمی یقینی بناناہے اپنے دفتر سول سیکرٹریٹ پشاور میں انجینئر ملک عرفان کی زیر قیادت شہریوں کے ایک وفد سے باتیں کرتے ہوئے انہوں نے کہاکہ اس منصوبے پر عملدرآمد سے پہلے پاکستان تحریک انصاف کے چیئرمین عمران خان کو بریفنگ دی جائیگی انہوں نے کہاکہ یہ پالیسی اس شعبے کے ماہرین نے کافی محنت سے بنائی ہے کیونکہ ماضی میں اس معاملے پر گھپلے ہوئے اور شہریوں کے اعتماد کو ٹھیس پہنچائی گئی انہوں نے کہاکہ پینے کے صاف پانی کے ایشو پر کوئی سیاست نہیں کی جائیگی اور صوبائی حکومت ضرورت کی بنیاد پر اس پالیسی پر من وعن عمل درآمدکروائے گی انہوں نے کہاکہ اس نئی پالیسی کے تحت ان مقامات پر لوگوں کوپینے کا صاف پانی فراہم کیا جائیگا جہاں یہ مسئلہ موجود ہوانہوں نے کہاکہ محکمہ پبلک ہیلتھ کے تمام ایگزیکٹیو انجینئرزکو ہدایت کی گئی ہے کہ وہ اپنے متعلقہ علاقوں کے حوالے سے تفصیلی رپورٹ بھیجیں کہ کہاں کہاں پر صاف پانی کی فراہمی ضروری ہے انہوں نے کہاکہ حکومت اس پالیسی کوشفاف طور پر نافذ کرناچاہتی ہے اورایسا کرکے دکھائے گی انہوں نے کہاکہ صاف پانی کی فراہمی کے مسئلے پر وہ نہ خودسیاست کرینگے اورنہ ہی کسی کو کرنے دینگے پشاورمیں نجی شعبے کے تعاون سے شروع کئے گئے واٹرسپلائی اینڈسینیٹیشن پروگرام(ڈبلیو ایس ایس پی)کے حوالے سے شاہ فرمان نے کہاکہ یہ منصوبہ کامیابی کے ساتھ جاری ہے اس کے مثبت نتائج سامنے آرہے ہیں اور شہری بھی صحت و صفائی اور آبنوشی کی سہولیات میں بہتری آنے کے سبب کمپنی کی کارکردگی سے مطمئن ہونے لگے ہیں اب حکومت نے فیصلہ کیاہے کہ اس منصوبے کو پورے صوبے کے ڈویژنل ہیڈکوارٹرزکی سطح تک توسیع دی جائے آئندہ شہروں کے اندر صحت و صفائی اور آبنوشی سہولیات کی فراہمی اس پبلک کمپنی کے ذمہ ہوگی آبنوشی سے متعلق گلی کوچوں کی سطح پر صاف پانی کی ضروریات کا تعین اور اس مقصد کیلئے سروے کمپنی کرے گی جبکہ ان کا محکمہ سروے رپورٹ پر عملدرآمد اور سہولیات کی فراہمی یقینی بنانے کا پابند ہو گاشاہ فرمان نے کہاکہ 2013ء میں اقتدارسنبھالنے کے بعد پی ٹی آئی کی اتحادی حکومت محکموں میں انقلابی تبدیلیاں لارہی ہے بالخصوص محکموں سے کرپشن کا خاتمہ اور حکومت کو عوام کے سامنے جوابدہ بناناحکومت کا بڑا کارنامہ ہے انہوں نے کہاکہ سرکاری محکموں اور حکام کو عوام کے سامنے جوابدہ بنانے کیلئے موثر قانون سازی کی گئی ہے احتساب کمیشن، رائٹ ٹوانفارمیشن اور رائٹ ٹو سروس جیسے آزاد محکمے قائم کئے گئے ہیں جو عام آدمی سے لیکرصوبائی وزیر اور وزیراعلیٰ تک کا مواخذہ کر سکتے ہیں انہوں نے کہاکہ پوسٹنگ اور ٹرانسفرزکے حوالے سے ایک واضح پالیسی پر عمل درآمد جاری ہے محکمہ پولیس کو ایک غیرسیاسی محکمہ بنادیاگیاہے جس سے صوبے میں امن وامان کی صورتحال میں بہتری آئی ہے اسی طرح سی اینڈڈبلیو ،ایریگیشن ، آبنوشی اور لوکل گورنمنٹ جیسے ترقیاتی محکموں میں انقلابی اصلاحات متعارف کروائی گئی ہیں ان اصلاحات کابنیادی مقصد محکموں سے کمیشن اور کرپشن کاخاتمہ اور قومی خزانے کے شفاف اور منصفانہ استعمال کویقینی بناناہے انہوں نے کہا کہ ان اقدامات کی بدولت عوام بہت جلد اپنے اردگرد خوشگوار تبدیلیاں محسوس کریں گے جس میں ان کا محکمہ بھی کلیدی کردار ادا کر رہا ہے۔
متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.