وزیر اعظم کا ایف بی آر کو کالعدم تنظیموں کی فنڈنگ روکنے کا حکم

جمعرات 15 جنوری 2015 10:57

وزیر اعظم کا ایف بی آر کو کالعدم تنظیموں کی فنڈنگ روکنے کا حکم

اسلام آباد (اُردو پوائنٹ اخبار تازہ ترین۔15جنوری2015ء)وزیر اعظم نواز شریف نے ایف بی آر کو کالعدم تنظیموں کی فنڈنگ روکنے کا حکم دیدیا ، دہشت گرد تنظیموں کی ویب سائٹس اور سوشل میڈیا پلیٹ فارمز بلاک کرنے کے احکامات بھی جاری کر دیئے ۔ وزیر اعظم نواز شریف نے اسلام آباد میں قومی ایکشن پلان پر عملدر آمد کے حوالے سے اعلیٰ سطح کے اجلاس کی صدارت کی ۔

نواز شریف نے کہا کہ دہشت گردوں کو ہیرو بنا کر پیش کرنے والوں کے خلاف فوری کارروائی کی جائے گی ۔

(جاری ہے)

اگلے ہفتے تمام وزرائے اعلیٰ کا اجلاس طلب کر لیا ہے ۔ دہشت گردی سے نمٹنے کے لئے سٹیٹ آف دی آرٹ ریپڈ ریسپانس فورس تشکیل دی جا رہی ہے ۔ وزیر داخلہ چودھری نثار نے بریفنگ میں بتایا کہ اسلام آباد سے 180 شرپسند افراد حراست میں لیے گئے ۔ پنجاب سے 14 ہزار مشتبہ افراد میں سے 780 کو باقاعدہ طور پر گرفتار کیا گیا ۔ نفرت انگیز تقاریر کرنے پر 251 افراد جبکہ لائوڈ سپیکر کے غلط استعمال پر گیارہ سو افراد کے خلاف کارروائی کی گئی ۔ وزیر داخلہ نے بتایا کہ مدارس کی سخت نگرانی کی جا رہی ہے ۔ پنجاب میں 95 کالعدم تنظیموں کی نشاندہی کی جا چکی ہے ۔