پنجاب میں پٹرول بحران کا ساتواں روز ، عوام پٹرول کیلئے خوار
پیر 19 جنوری 2015 10:53
لاہور(اُردو پوائنٹ اخبار تازہ ترین۔ 19جنوری2015ء) پنجاب میں ساتویں روز بھی لوگ پٹرول کی تلاش میں خوار ہو رہے ہیں ۔ ہر طرف پٹرول نہ ملنے کی دہائی مچی ہوئی ہے ۔ مردوں کے ساتھ خواتین بھی پٹرول کی تلاش میں نکل پڑیں ، تو تکار پٹرول پمپس پر لڑائی جھگڑے معمول بن گئے ۔ ایک طرف پٹرول پمپس پر لمبی قطاریں ، تو تکار ، لڑائی جھگڑا ، دھکم پیل ، دھینگا مشتی ، شہری پٹرول کے حصول میں دن رات ذلیل و خوار ہو رہے ہیں ۔
دوسری جانب ’’کسی کی جان گئی آپ کی ادا ٹھہری ‘‘کے مصداق حکومت جھوٹی طفل تسلیوں سے ڈنگ ٹپاؤ کے فارمولے پر کاربند ہے ۔ بحران کے ذمہ دار تمام تر وی آئی پی سہولتوں کے ساتھ عوام کو سڑکوں اور پٹرول پمپس پر رسوا ہوتا دیکھ رہے ہیں ۔ پٹرول ناپید ہوا تو رواں دواں زندگی منجمد ہو کر رہ گئی ۔(جاری ہے)
ہسپتال ، تعلیمی اداروں ، دفاتر جانے کے لئے شہریوں کے لئے وبال جان بنا ہوا ہے ، کہیں ٹینٹ لگا کر دیوار بنا دی گئی ، کہیں ’’سیل بند ہے ‘‘ کے بورڈ آویزاں ہیں ۔
ہر طرف ایک ہی دہائی مچی ہوئی ہے ہائے پٹرول نہیں مل رہا ۔ جہاں بھی پٹرول ملنے کی اطلاع ملتی ہے شہریوں کا رش لگ جاتا ہے ، تیل نہ ملنے سے لاکھوں گاڑیاں بند ہوگئی ہیں ۔ مرد تو مرد خواتین بھی تمام کام کاج چھوڑ کر پٹرول تلاش کرتی رہیں ، اسلام آباد ، راولپنڈی کے مکین بھی قطاروں میں لگ کر اپنے صبر آزما رہے ہیں ۔ جان بہ لب مریض بروقت ہسپتال نہیں پہنچ پا رہے ، ایمبولینسز ، ریسکیو ادارے بھی پٹرول نہ ملنے کا رونا رو رہے ہیں ۔ لاہور میں بھی پمپ ملازمین اور شہری ہی ایک دوسرے سے الجھتے نظر آئے ، چھ دن سے پٹرول کے لیے مارے مارے پھرنے والے حکومت پر برس پڑے ۔ شہریوں کا کہنا ہے کہ حکومت بتلائے کہ پٹرول کے بعد اب کس چیز کی لائن لگوائے گی ۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.