ماڈل اور اداکار مومل خالد کار حادثے کا شکار،ان کے منگیتر زخموں کی تاب نہ لاتے ہوئے موقع پر ہی دم توڑ گئے

جمعرات 22 جنوری 2015 15:41

کراچی(اُردو پوائنٹ تازہ ترین اخبار۔ 22 جنوری 2015ء) ماڈل اور اداکار مومل خالد گذشتہ رات ایک کار حادثے میں شدید زخمی ہو گئیں جب کہ ان کے منگیتر زخموں کی تاب نہ لاتے ہوئے موقع پر ہی دم توڑ گئے۔ تفصیلات کے مطابق کراچی میں مومل خالد اپنے منگیتر کے ہمراہ گاڑی میں جا رہی تھیں کہ ان کی گاڑی ایک دوسری گاڑی سے جا ٹکرائی۔

(جاری ہے)

حادثہ میں مومل خالد کے منگیتر موقع پر ہی انتقال کر گئے جبکہ مومل خالد کو قریبی اسپتال منتقل کیا گیا جہاں وہ ابھی تک آئی سی یو میں زیر علاج ہیں۔ اسپتال ذرائع کے مطابق مومل خالد کی حالت کافی تشویشناک ہے حادثہ اتنا بھیانک تھا کہ گاڑی کا ایک طرفہ حصہ مکمل طور پر تباہ ہو گیا ۔ واضح رہے کہ مومل خالد بہت سے ٹی وی ڈراموں میں اداکاری کے جوہر دکھا چکی ہیں۔

Facebook Twitter Google + Share on Whatsapp

ماڈل اور اداکار مومل خالد کار حادثے کا شکار،ان کے منگیتر زخموں کی تاب نہ لاتے ہوئے موقع پر ہی دم توڑ گئے

مزید فن و فنکار کی خبریں