سینیٹ انتخابات میں بھرپور حصہ لیں گے،عمران خان
جمعہ 23 جنوری 2015 15:11
جدہ(اُردو پوائنٹ تازہ ترین اخبار۔ 23 جنوری 2015ء) تحریک انصاف کے چیئرمین عمران خان نے کہا ہے کہ تحریک انصاف سینیٹ انتخابات میں بھرپور حصہ لے گی اور خیبرپختونخواہ اسمبلی میں بھی موجود رہے گی‘ نواز شریف اور آصف زرداری دونوں سکے کے ایک ہی رخ ہیں دونوں کے درمیان اتفاق ملک کے لئے خطرہ ہے‘ مسلم لیگ (ن) نے کرپشن میں آصف زرداری کی حکومت کے ریکارڈ توڑ دیئے‘ ملک میں جمہوریت نہیں بلکہ بادشاہت ہے۔
جوڈیشل کمیشن کے قیام تک اسمبلیوں میں جانے کا ارادہ نہیں‘ پیٹرول کی قلت حکومت کی نااہلی کی وجہ سے ہوئی‘ نااہل حکومت سعودی عرب میں مقیم پاکستانیوں کو ان کا حق نہیں دے رہی‘ افتخار چودھری نے 2013ء کے انتخابات میں دھاندلی کو چھپایا‘ بھارت سے معاملات اچھے ہونے کی بجائے خراب ہو رہے ہیں۔(جاری ہے)
جمعہ کے روز جدہ میں پاکستان تحریک انصاف کے چیئرمین عمران خان نے پریس کانفرنس کرتے ہوئے کہا ہے کہ ملک کی تمام سیاسی جماعتوں نے 2013ء کے الیکشن کو دھاندلی زدہ قرار دیا لیکن اس پر آواز صرف تحریک انصاف نے اٹھائی۔
امید تھی کہ 2013ء کے انتخابات شفاف ہونگے لیکن حقیقت میں 2013 ء کے انتخابات ملکی تاریخ کے کرپٹ ترین انتخابات تھے۔ انہوں نے کہا کہ چیف جسٹس افتخار چوہدری کے لئے پاکستانی قوم نے قربانیاں دیں اور انہیں بہت عزت بخشی لیکن افتخار چودھری نے 2013ء کے الیکشن میں دھاندلی کو چھپایا اور دوسرے ججوں کی نسبت بہت مایوس کیا۔ عمران خان نے کہا کہ ملک میں جمہوریت کے لئے آزاد عدلیہ اور میڈیا کا قیام ناگزیر ہے اور دھاندلی کے حوالے سے تحریک انصاف نے جوڈیشل کمیشن کے قیام کا کوئی غیر آئینی مطالبہ نہیں کیا کیونکہ دھاندلی کا پتہ جوڈیشل کمیشن میں ہی لگ سکتا ہے تو اس کا فیصلہ عدلیہ کو ہی کرنے دیا جائے۔ انہوں نے کہا کہ حکومت بے اختیار جوڈیشل کمیشن بنانے کی کوشش کر رہی ہے جب تک مستحکم جوڈیشل کمیشن نہیں بن جاتا اس وقت تک اسمبلیوں میں نہیں جائیں گے۔ انہوں نے کہا کہ سینیٹ الیکشن میں تحریک انصاف اپنے حق کا استعمال کرے گی اور خیبر پختونخوا کی اسمبلیوں میں بھی رہے گی۔ عمران خان نے کہا کہ اس وقت پاکستان میں بادشاہت ہے جمہوریت نہیں ۔ پاکستان میں دو خاندانوں نے باریاں لی ہوئی ہیں اور کوئی میریٹ نہیں ہے۔ حکومت کی نااہلی کی وجہ سے پیٹرول بحران ہوا جس سے عوام کو شدید تکلیف کا سامنا کرنا پڑا‘ فرنس آئل نہ ہونے کی وجہ سے بجلی کم ہو گئی۔ ایک سوال کے جواب میں عمران خان نے کہا کہ پاکستان میں حقیقی جمہوریت نہیں ہے پیپلزپارٹی اور مسلم لیگ (ن) دونوں فرینڈلی اپوزیشن کر رہی ہیں اور مسائل پر توجہ نہیں دے رہی۔ پیپلزپارٹی کےدور حکومت میں بھی ن لیگ نے فرینڈلی اپوزیشن کی تھی اور آج پیپلزپارٹی بھی ن لیگ جیسا کردار ادا کر رہی ہے۔ ملک میں اپوزیشن نہ ہونے کی وجہ سے حکومت من مانیاں کر رہی ہے اور مسلم لیگ (ن) نے آصف زرداری کے کرپٹ ترین دور کا بھی ریکارڈ توڑ دیا۔ انہوں نے کہا کہ ایک جمہوری حکومت خود فوجی عدالتیں بنا رہی ہے جو کہ حکومتی نااہلی کا بہت بڑا ثبوت ہے۔ دہشتگردی کے خلاف پاکستانیوں پر جو ظلم ہوئے ان پر کتابیں لکھی جا سکتی ہیں۔ عمران خان نے کہا کہ آئی ڈی پیز کے لئے تمام تر خرچے صوبائی حکومت برداشت کر رہی ہے اور آئی ڈی پیز کا بوجھ اٹھانے کے لئے وفاق اضافی پیسے فراہم نہیں کر رہا۔ آئی ڈی پیز کی واپسی تک وفاق کی مدد ضروری ہے۔ انہوں نے کہا کہ بھارت سے پاکستان کے تعلقات مزید بہتر ہونے کے بجائے خراب ہو رہے ہیں۔ نریندر مودی کے بھارت میں آنے کے بعد نتائج سوچ سے برعکس نکلے۔
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
پنجاب میں ہمارے گھروں میں بنا وارنٹ چھاپے مارے جا رہے ہیں،عمرایوب
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.