عامر کی آئندہ ماہ کرکٹ میں واپسی کا امکان

جمعہ 23 جنوری 2015 20:55

لاہور(اُردو پوائنٹ اخبارتازہ ترین۔23جنوری۔2015ء) کرکٹ کی معروف ویب سائٹ کرک انفو کی رپورٹ کے مطابق آئی سی سی کی جانب سے قوانین میں تبدیلی کے بعد پابندی کا شکار فاسٹ باؤلر محمد عامر کی آئندہ ماہ کرکٹ میں واپسی ہوسکتی ہے۔آئی سی سی کرپشن سے متعلق اپنے قوانین کو تبدیل کرنے پر غور کررہا ہے جس کا فائدہ عامر کو ہوسکتا ہے اور وہ ڈومیسٹک کرکٹ میں ایکشن میں نظر آسکتے ہیں۔

(جاری ہے)

عامر اور آصف کے ساتھ ساتھ اس وقت کے قومی ٹیم کے سلمان بٹ پر چار سال قبل دورہ انگلینڈ کے دوران لارڈز ٹیسٹ میں الزام عائد کیا گیا تھا انہوں نے جان بوجھ کر پیسوں کے لیے نوبال کیں۔آئی سی سی نے 2011 میں ان پر پابندی عائد کردی تھی لیکن پابندی لگانے والے ج نے اس قانون پر تحفظات کا اظہار کرتے ہوئے آئی سی سی سے اس پر نظرثانی کا مطالبہ کیا تھا۔اسپاٹ فکسنگ الزامات ثابت ہونے پر عامر پر پانچ سال، سلمان بٹ پر دس سال اور آصف پر سات سال پابندی لگائی گئی تھی جبکہ تینوں کو جیل کی ہوا بھی کھانی پڑی تھی۔

Facebook Twitter Google + Share on Whatsapp

عامر کی آئندہ ماہ کرکٹ میں واپسی کا امکان

متعلقہ عنوان :

مزید کھیلوں کی خبریں