موثر کارروائی سے مختلف آٹھ اضلاع سے لا کر لاہور میں بیمار گوشت کی خرید و فروخت میں 80 فیصد واضح کمی واقع ہو گئی ہے ‘ نسیم صادق
رابطہ نمبر 9211 کے فعال ہونے سے لوگ نہایت اعتماد کے ساتھ ہمیں مافیا کے بارے میں معلومات دے رہے ہیں‘ سیکرٹری محکمہ لائیو سٹاک ، غیر قانونی مذبحہ خانوں پر چھاپوں کے ساتھ ساتھ آگاہی مہم کو بھی تیز کیا جائے‘ کمشنر لاہور ڈویژن عبدالله خان سنبل کا اجلاس سے خطاب
جمعہ 23 جنوری 2015 22:11
لاہور ( اُردو پوائنٹ اخبارتازہ ترین - این این آئی۔23جنوری۔2015ء) سیکرٹری محکمہ لائیو سٹاک پنجاب نسیم صادق نے کہا ہے کہ نیم مردہ و بیمار جانوروں کے گوشت کے خلاف آپریشن میں اب تک 621 ایف آئی آرز دے کر 840 گرفتاریاں عمل میں لائی گئی ہیں جبکہ ایک لاکھ 33ہزار کلو گوشت قبضہ میں لیا گیا ہے،موثر کارروائی سے مختلف آٹھ اضلاع سے لا کر لاہور میں بیمار گوشت کی خرید و فروخت میں 80 فیصد واضح کمی واقع ہو گئی ہے جس کے نتیجے میں سلاٹر ہاؤسز میں ذبح کے لیے لائے جانے والے جانوروں میں چار سو گنا اضافہ ہوا ہے۔
حرام جانوروں کے گوشت سمیت نیم مردہ اور بیمار جانورں کے گوشت میں ملوث مافیا کے بڑے حصہ کو قانون کی گرفت میں لایا جا چکا ہے،محکمہ لائیو سٹاک کے رابطہ نمبر 9211 (بے حس و بے ضمیر ملوث افراد کو نو دو گیارہ ہونا پڑے گا) کے فعال ہونے سے لوگ نہایت اعتماد کے ساتھ ہمیں مافیا کے بارے میں معلومات دے رہے ہیں۔(جاری ہے)
سیکرٹری محکمہ لائیو سٹاک پنجاب نسیم صادق و کمشنر لاہور ڈویژن عبدالله خان سنبل نے ان خیالات کا اظہار حرام، مردہ اور بیمار جانوروں کے گوشت کی فروخت کے حوالے سے جائزہ اجلاس کی صدارت کرتے ہوئے کیا۔
اجلاس میں ڈی سی او لاہور، ڈی جی ماحولیات، اسسٹنٹ کمشنرز، پولیس افسران اور لائیو سٹاک کے افسران نے شرکت کی۔کمشنر لاہور ڈویژن عبدالله خان سنبل نے کہا ہے کہ لاہور جیسے بڑے شہر کو بیمار گوشت سے پاک کرنے کے لیے ضلعی انتظامیہ و دیگر محکمے مضبوط اشتراک سے مکروہ کاروبار کو جڑ سے اکھاڑ پھینکنے کے لیے اس آپریشن کو مستقل بنیادوں پر جاری رکھیں گے اور تمام ڈی سی اوز ضلعی سطح پر کارروائی کریں گے جبکہ تمام اسسٹنٹ کمشنرز کی نگرانی میں خصوصی ٹیمیں اس آپریشن کی عملی نگرانی کو پورے عزم کے ساتھ جاری رکھیں۔ انہوں نے کہا کہ غیر قانونی مذبحہ خانوں پر چھاپوں کے ساتھ ساتھ آگاہی مہم کو بھی تیز کیا جائے۔ کمشنر لاہور نے کہا کہ موثرآپریشن میں لاہور سمیت دیگر اضلاع نے حوصلہ افزا کارکردگی کا مظاہرہ کیا ہے مگر اس کا مستقل بنیادوں پر جاری رہنا اصل کامیابی ہوگی۔متعلقہ عنوان :
مزید مقامی خبریں
-
ضمنی انتخابات میں کامیابی گجرات کے عوام کی چوہدری شجاعت حسین سے والہانہ محبت اور اعتماد کا عملی ثبوت ہے۔ خواجہ رمیض حسن
-
صوبائی محتسب پنجاب کی ہدایت پر مختلف صوبائی محکموں نے 13درخواست گزار افراد کے زیر التواء 1کروڑ 36لاکھ سے زائد کے واجبات ادا کر دیئے
-
روٹی کی قیمت میں کمی کے احکامات کو پوری طرح نافذ کروائیں گے تندور مالکان قیمت اور وزن کا خیال رکھیں ورنہ سخت قانونی کاروائی کیلئے تیار رہیں ڈی سی جہلم کی مختلف تندور وں کی چیکنگ کے دوران وارننگ
-
پنجاب بھر میں صحت کی بہترین سہولیات فراہم کرنے کیلئے اربوں روپے خرچ کئے جارہے ہیں، سیکرٹری صحت پنجاب علی جان خان
-
نانبائی ایسوسی ایشن کو سرکاری ریٹ پر روٹی نان کی فروخت یقینی بنانا ہو گا، عوام کو ریلیف فراہم کرنا ہم سب کی زمہ داری ہے، ڈپٹی کمشنر جہلم
-
عید الفطر کے بعد بھی پرائس کنٹرول کا کام تیزی سے جاری رکھا جائے تاکہ عوام کو خود ساختہ مہنگائی سے بچایا جا سکے ، ڈپٹی کمشنر جہلم
-
بلوچستان پاکستان کا مستقبل اور گوادر معیشت کے سفر میں اہم سنگ میل ثابت ہوگا۔ خواجہ رمیض حسن
-
HBK کے تعاون سے پشاور پریس کلب رمضان سپورٹس گالا اختتام پزیر
-
پاکستان میں مذہبی انتشار اور انتہا پسندی کی کوئی گنجائش نہیں۔ خواجہ رمیض حسن
-
پاکستان سمیت دنیا بھر میں بسنے والی مسیحی برادری کو ایسٹر کی مبارکباد پیش کرتے ہیں۔خواجہ رمیض حسن
-
ضلع جہلم میں نئے ترقیاتی منصوبوں پر جامع رپورٹ پنجاب حکومت کو منظوری کے لیے بھیجی جائے گی جس میں عوامی فلاح کے ہر منصوبہ کو مدنظر رکھنا ضروری ہے ڈی سی جہلم
-
کالا باغ ڈیم کی تعمیر سستی اور بھرپور بجلی بنانے کی صلاحیت رکھتے ہوئے کامیاب ترین منصوبہ ثابت ہوگا۔ رہنما مسلم لیگ ق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.