سرگودھا، وکلاء اور تاجروں کی لڑائی شدت اختیار کرگئی‘ وکلاء کا دوسرے روز بھی عدالتی بائیکاٹ
ہفتہ 24 جنوری 2015 23:40
سرگودھا (اُردو پوائنٹ تازہ ترین اخبار۔ 24 جنوری 2015ء) وکلاء اور تاجروں کی لڑائی شدت اختیار کرگئی‘ وکلاء نے دوسرے روز بھی عدالتی بائیکاٹ کیا جبکہ سیشن روڈ کے تاجروں نے بھی وکلاء کیخلاف کاروباری مراکز بند کئے رکھے ‘ ڈی پی او سرگودھا سجاد حسین منج معاملے کو حل کرانے کیلئے ڈسٹرکٹ بار سرگودھا پہنچ گئے‘ جبکہ مرکزی انجمن تاجران بھی میدان میں کود پڑی‘ تفصیلات کے مطابق جمعرات کے روز سیشن روڈ ریڑھی بان سے وکلاء کیساتھ ہونیوالی لڑائی میں انجمن تاجران سیشن روڈ کیخلاف مختلف دفعات کے تحت مقدمہ درج کرکے پولیس نے ملزمان کو حراست میں لے لیاتھا جس پر سیشن روڈ کے تاجروں نے احتجاج اور پولیس سے مذاکرات کے بعد گرفتار کئے جانیوالے تاجروں کو چھوڑ دیا تھا جس پر ڈسٹرکٹ بار سرگودھا کے وکلاء کی جانب سے جمعہ اور ہفتہ کے روز عدالتی بائیکاٹ کیا گیا وکلاء نے احتجاجی ریلی نکالی جو ڈسٹرکٹ بار سے شروع ہوکر ڈی پی او چوک تک پہنچی اور پولیس کو فوری طور پر ملزمان کو گرفتار کرنے کیساتھ ساتھ ایس ایچ او تھانہ کینٹ کیخلاف کاروائی کا بھی مطالبہ کیادوسری طرف ہفتہ کے روز سیشن روڈ کے تاجروں نے بھی وکلاء کی جانب سے درج کرائے جانیوالے مقدمات کیخلاف مکمل شٹر ڈاؤن کئے رکھا اور وکلاء کیخلاف نعرے بازی بھی کی اور شرکاء احتجاج نے پلے کارڈز اٹھا رکھے تھے جن پر تحریر تھا کہ وکلاء کی غنڈی گردی نہیں چلنے دینگے ‘ واقعہ کے شدت اختیار کرنے کے بعد ڈی پی او سرگودھا سجاد حسین منج ڈسٹرکٹ بار سرگودھا پہنچ گئے صدر بار اور جنرل سیکرٹری سے مذاکرات کئے دوسری طرف ڈی پی او نے سیشن روڈ کے تاجروں کے ایک وفد کو ڈی پی او آفس بلایا سیشن روڈ کے تاجروں نے بھی مرکزی انجمن تاجران سے مدد مانگ لی جس پر مرکزی انجمن تاجران کے صدر خواجہ احمد حنیف‘ جنرل سیکرٹری نعیم اسلم کپور نے فوری طور پر اجلاس طلب کرلیا ہے تاہم آخری اطلاعات آنے تک وکلاء اور تاجروں میں صلح کی جانیوالی کوششیں ناکام رہی ہیں۔
مزید اہم خبریں
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
-
پولیس وردی پہننے پر مریم نواز تنقید کی زد میں، پولیس کی وضاحت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.