فاٹا سیکرٹریٹ کی جانب سے شمالی وجنوبی وزیرستان کے متاثرین کے لئے ڈیرہ اسماعیل خان میں پانچ روز فری میڈیکل کیمپ کا انعقاد

سینکڑوں مریضوں کا معائنہ اور تمام مریضوں میں مفت ادویات تقسیم کی گئیں

اتوار 25 جنوری 2015 17:54

جنوبی وزیرستان(اُردو پوائنٹ اخبارتاز ترین ۔ 25جنوری 2015ء) فاٹا سیکرٹریٹ کی جانب سے شمالی وجنوبی وزیرستان کے متاثرین کے لئے البراق میڈیکل سنٹراینڈ میٹرنٹی ہوم سنٹر فٹح موڑ ڈیرہ اسماعیل خان میں پانچ روز فری میڈیکل کیمپ کا انعقاد ہوا جہاں پہلے روز میڈیکل ڈاکٹروں اور آئی سپیشلیسٹ نے سینکڑوں مریضوں کا معائینہ کیا اور تمام مریضوں میں مفت ادویات تقسیم کئے ،فاٹا سیکرٹریٹ کی جانب سے دئے جانے والے فری میڈیکل کیمپ کے سپر وائزر زرورخان کا کہنا تھا کہ فاٹا سیکر ٹریٹ کی جانب سے پانچ میل اور دوفی میل ڈاکٹروں پر مشتمل ٹیم آ ی ہے جو کہ پانچ دنوں تک ڈیرہ اسماعیل خان موجود رہیگی اور اس فری میڈیکل کیمپ میں انکھوں کا آپریشن بھی کیا جائے گا اور اس کے علاوہ مریضوں کے مفت ادویات بہی ملے گیی ہزاروں مردوخواتین کا مفت علاج معالجہ کیا جاے گا،فاٹا سیکر ٹریٹ نے ایک میڈیکل موبائل ہسپتال اور آئی کیرئیر سروسزدیا ہے ،فری میڈیکل کیمپ میں پہلے روز ایک ہزار کے قریب مریضوں کا معائینہ کیا اور پانچ دنوں میں ہزاروں مریضوں کو ادویات اور مفت علاج فراہم کرے گی۔

(جاری ہے)

اس موقع پر موجود شمالی اور جنوبی وزیرستان کے متاثرین میں شامل لیاقت خان ، داود خان ،کامران خان اور دیگر نے کہا کہ ہم سینیٹر صالح شاہ ، ایم این اے مولانا جمال الدین ،حاجی سعید انور،انجینئر سیف اللہ سیفی اور فاٹا سیکرٹریٹ کے انتہائی مشکور ہے جنہوں نے ہمارے لئے فری میڈیکل کیمپ کا انعقاد کیااور ہم مطالبہ کرتے ہیں کہ بندوبستی علاقوں بالخصوص ٹانک ، ڈبرہ اور گومل میں مقیم متاثرین کے لئے بھی فری میڈیکل کیمپ کا انعقاد کیا جائے اس موقع پر موجود سینئٹرصالح شاہ قریشی نے کہاکہ فاٹا سیکرٹریٹ کو ہم نے متاثرین کے مشکلات سے اگاہ کیا ہے اور انشا اللہ جن علاقوں میں متاثرین آباد ہیں ان علاقوں میں بھی فری میڈیکل کیمپ کا انعقاد کرے گے