یونیورسٹی حیدرآبادکے شہریوں کادیرینہ مطالبہ ہے جو پوراہونے جارہا ہے ۔الطاف حسین
منگل 27 جنوری 2015 15:11
لندن(اُردو پوائنٹ تازہ ترین اخبار۔ 27 جنوری 2015ء)متحدہ قومی موومنٹ کے قائد الطاف حسین نے کہاہے کہ حیدرآبادیونیورسٹی حیدرآبادکے شہریوں کادیرینہ مطالبہ ہے جونجی شعبہ کی جانب سے پوراہونے جارہاہے اورجمعہ کواس کاسنگ بنیاد رکھاجارہاہے، حیدرآبادکے عوام کواس کی بہت بہت مبارکبادہو۔ انہوں نے یہ بات آج حیدرآبادمیں زونل کمیٹی ،سیکٹرانچارجزاورجوائنٹ انچارجزاورایم کیوایم کے مرکزنائن زیروپررابطہ کمیٹی اورمختلف شعبہ جات کے ارکان سے گفتگوکرتے ہوئے کہی۔
الطاف حسین نے کہاکہ حیدرآبادمیں قیام پاکستان کے بعدسے اب تک کوئی یونیورسٹی نہیں ہے،اندرون سندھ تعلیمی اداروں میں پڑھنے کیلئے جانے والے طلبہ کومتعصب عناصر کی جانب سے تشددکانشانہ بنایاجاتاجس کی وجہ سے حیدرآبادکے شہریوں طلبہ وطالبات کایہ دیرینہ مطالبہ تھاکہ شہرمیں یونیورسٹی قائم کی جائے۔(جاری ہے)
حیدرآبادکے عوام نے شہر میں یونیورسٹی کے قیام کیلئے آواز بلند کی، جدوجہدکی لیکن تعصب کی وجہ سے حیدرآبادیونیورسٹی کے مطالبہ کوکبھی تسلیم نہیں کیاگیا اوراس مطالبہ کوہمیشہ تعصب کی بھینٹ چڑھا دیا گیااوراسے یونیورسٹی کوحکومت پر بوجھ قراردیاگیا۔
حیدرآبادکے ہزاروں لوگ شہر میں یونیورسٹی میں قیام کی خواہش لئے اس دنیاسے چلے گئے۔ان کی قربانیاں آج رنگ لارہی ہیں ،آج اللہ کاکرم ہے کہ حیدرآباد کے شہریوں کی برسوں کی دیرینہ خواہش پوری ہورہی ہے اورنجی شعبہ کی جانب سے شہرمیں یونیورسٹی قائم ہورہی ہے جس کاسنگ بنیاد جمعہ کو رکھا جائے گا جس پر میں حیدرآبادکے کارکنوں، ماوٴں بہنوں، بزر گوں اورعوام کومبارکبادپیش کرتا ہوں اوران سے کہتاہوں کہ وہ اس پرخوشیاں منائیں۔ انہوں نے یونیورسٹی کاسنگ بنیادرکھے جانے کی خوشی میں شہرکوسجانے اوراستقبالیہ کے سلسلے میں حیدرآبادزون کیلئے 15لاکھ روپے دینے کااعلان کیا۔ انہوں نے تنظیمی شعبہ جات کے ارکان سے بھی کہاکہ وہ شہرکی سجاوٹ اور استقبالیہ کیلئے اپنی اپنی بساط کے مطابق عطیات دیں جس پر ارکان رابطہ کمیٹی، تنظیمی شعبہ جات، ارکان قومی وصوبائی اسمبلی نے بھی عطیات جمع کرائے ۔ الطاف حسین نے تاجروں، صنعتکاروں اورمخیرحضرات سے بھی اپیل کی کہ وہ اس سلسلے میں حسب توفیق عطیات دیں۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.