دبئی انٹرنیشنل نے دنیا کے مصروف ترین ایئرپورٹ کا اعزازحاصل کرلیا

منگل 27 جنوری 2015 19:41

دبئی(اُردو پوائنٹ اخبارتازہ ترین - این این آئی۔27جنوری۔2015ء) دبئی انٹرنیشنل ایئرپورٹ نے لندن کے ہیتھرو ایئرپورٹ کو پیچھے چھوڑتے ہوئے دنیا کا مصروف ترین ایئرپورٹ ہونے کا اعزاز حاصل کرلیا۔غیرملکی میڈیا کے مطابق گزشتہ سال دبئی انٹرنیشنل ایئرپورٹ سے 7 کروڑ 47 لاکھ مسافروں نے سفرکیا جس کے بعد دبئی انٹرنیشنل نے دنیا کے سب سے مصروف ترین ایئرپورٹ کا اعزازحاصل کرلیا جب کہ 2013 میں سرفہرست رہنے والے لندن کے ہیتھرو ایئرپورٹ سے 6 کروڑ 81 لاکھ مسافروں نے سفرکیا۔

(جاری ہے)

دبئی ایئرپورٹ سے 2013 میں 6 کروڑ 64 لاکھ مسافروں نے سفرکیا تھا اور 2014 میں یہ تعداد بڑھ کر 7 کروڑسے تجاوز کرگئی جس میں مجموعی طورپر6.1 فیصد اضافہ ہوا جب کہ اس اضافے میں اندرون اور بیرون ملک سفر کرنے والے مسافر شامل ہیں۔دبئی انٹرنیشنل ایئرپورٹ کے سی ای او نے کہاکہ رواں سال کے اختتام تک ایئرپورٹ کا “ڈی” ہال کھلنے کے بعد ایئرپورٹ کی گنجائش 9 کروڑ مسافروں تک ہوجائیگی اور اسی طرح المختوم انٹرنیشنل کی 2022 میں تکمیل کے بعد وہاں 12 کروڑ مسافروں کی سالانہ آمد و رفت ممکن ہوسکے گی۔

Facebook Twitter Google + Share on Whatsapp

دبئی انٹرنیشنل نے دنیا کے مصروف ترین ایئرپورٹ کا اعزازحاصل کرلیا

متعلقہ عنوان :

مزید بین الاقوامی خبریں