میرپور میں پیپلزپارٹی ایک ناقابل تسخیر قوت بن چکی ہے‘جاوید بخاری

بدھ 28 جنوری 2015 12:46

میرپور(اُردو پوائنٹ تازہ ترین اخبار۔ 28 جنوری 2015ء) پاکستان پیپلزپارٹی آزاد کشمیر کے بانی راہنما اور ممبر سنٹرل کمیٹی سید سکندر جاوید بخاری کو وزیراعظم آزادکشمیر چوہدری عبدالمجید کا مشیر برائے سیاسی امور بننے پرپیپلزپارٹی کے سینئر راہنما و نظریاتی کارکن حاجی دتہ اللہ آرائیں نے مبارکباد دیتے ہوئے کہا کہ وزیراعظم چوہدری عبدالمجید کا یہ تاریخی اقدام ہے کہ انہوں نے پارٹی کے بانی کارکنوں کو ایڈجسٹ کر کے تمام کارکنوں کے حوصلے بلند کیے ہیں ۔

حاجی اللہ دتہ آرائیں نے کہاکہ 30جنوری کو سید سکندر جاوید بخاری کا میرپور آمد پر شاندار استقبال کر کے ثابت کرینگے کہ میرپور میں پیپلزپارٹی ایک ناقابل تسخیر قوت بن چکی ہے ۔انہوں نے کہا کہ چوہدری عبدالمجید آزادکشمیر کے تعمیر و ترقی کے ہیرو ہیں انہوں نے شہید ذولفقار علی بھٹو اور شہید بے نظیر بھٹو کے ویژن کو جاری رکھا ہوا ہے جس کی بدولت پیپلزپارٹی آزاد کشمیر میں ایک بڑی جماعت بن چکی ہے اور انشاء اللہ آئندہ انتخابات میں بھی پیپلزپارٹی دوبارہ برسر اقتدار آئے گی ۔

(جاری ہے)

انہوں نے مزید کہا کہ ہم سابق وزیراعظم آزادکشمیر آصف علی زرداری، چیئرمین بلاول بھٹو زرداری اور چوہدری ریاض کا دل کی اتھاہ گہرائیوں سے شکریہ ادا کرتے ہیں کہ انہوں نے آزادکشمیر کے بانی کارکنوں کو ایڈجسٹ کر کے ا ن کے دل جیت لیے ہیں ۔