سلامتی کونسل کی لیبیا میں ہوٹل پر کیے جانے والے خود کش دھماکوں کی مذمت
بدھ 28 جنوری 2015 17:06
نیویارک(اُردو پوائنٹ تازہ ترین اخبار۔ 28 جنوری 2015ء)اقوام متحدہ کی سلامتی کونسل نے اپنے ایک مذمتی متفقہ بیان میں لیبیا کے دارالحکومت طرابلس میں ہوٹل پر کیے جانے والے خود کش دھماکوں کی مذمت کی ہے۔غیر ملکی خبر رساں ادارے کے مطابق طرابلس کے اس ہوٹل میں ایک امریکی اور ایک فرانسی شہری سمیت مجموعی طور پانچ غیر ملکی ہلاک ہو گئے تھے۔ ان ہلاک ہونے والے غیر ملکیوں میں فلپائن اور جنوبی کوریا کے شہری بھی شامل ہیں۔
یہ واقعہ اس وقت پیش آیا تھا جب پہلے عسکریت پسندوں نے ایک بارود بھری گاڑی کو ہوٹل سے ٹکرایا اور پھر ہوٹل کی حفاظت پر مامور محاظین کو نشانہ بنایا گیا۔ بعد ازاں خود کش حملہ آور ہوٹل میں داخل ہو کر اکیسویں منزل تک پہنچ گئے جہاں انہیں گھیرے میں لیا گیا تو انہوں نے خود کو دھماکے سے اڑا لیا۔(جاری ہے)
واضح رہے اس موقع پر الفجر کی حمایت یافتہ لیبیا کی حکومت کے اعلی عہدے دار بھی موجود تھے۔
تاہم سکیورٹی اہلکاروں نے انہیں بحفاظت ہوٹل سے نکال لیا۔ اس واقعے کے خلاف سلامتی کونسل کے تمام پندرہ ارکان نے افسوس کا اظہار کیا ہے۔سلامتی کونسل کے اس مذمتی بیان میں سلامتی کونسل کے ارکان نے لیبیا کے سیاسی اور دوسرے گروپوں کو اقوام متحدہ کی طرف سے شروع کیے گئے مذاکرات میں تعاون کرنے کے لیے بھی کہا، تاکہ ملک کو درپیش سیاسی اور سکیورٹی کے چیلنجوں کا خاتمہ ممکن ہو۔اقوام متحدہ کے سفیر برناڈینولیون ان دنوں لیبیا میں قائم دو متوازی حکومتوں اور پارلیمنٹوں کے درمیان ایک معاہدے کے لیے کوشاں ہیں۔مزید بین الاقوامی خبریں
-
کویت ایئر پورٹ پر 2 دن سے پھنسے 50 سے زائد پاکستانی پریشان
-
97 کروڑ ووٹرز، بھارت میں عام انتخابات کا آغاز کل ہوگا
-
امریکی صدرکے چچا کوآدم خورکھا گئے
-
امارات کے زیرِآب علاقوں میں لوگ کشتیاں استعمال کرنے پر مجبور
-
مودی نے اقتدار سے چمٹے رہنے کیلئے بھارتی فوج کو بھی نہ بخشا
-
سڈنی شاپنگ مال حملے میں زخمی گارڈ کو آسٹریلوی شہریت دینے پرغور
-
افغان خواتین کاروباری مشکلات کے باوجود مستحکم، دوسروں کے لیے روزگار کے مواقع فراہم کررہی ہیں،اقوام متحدہ
-
حزب اللہ کاگائیڈڈ میزائلوں سے حملہ، 14 اسرائیلی فوجی زخمی
-
خطے میں روس ایران گٹھ جوڑکامیاب نہیں ہونے دیں گے،امریکی صدر
-
بھارت،باحجاب خواتین کے ریسٹورنٹس میں داخلے پر پابندی
-
اسرائیل نے ایران کیخلاف جوابی کارروائی سے متعلق عالمی دبائو مسترد کردیا
-
افغانستان میں شدید بارشیں،70افرادہلاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.