حکومت موجودہ ٹیکس دہندگان پر مذید بوجھ ڈالنے کی بجائے بتدریج ٹیکس کے دائرہ کار کو وسعت دینے پر توجہ دے ، میاں محمد ادریس
بدھ 28 جنوری 2015 17:09
اسلام آباد ( اُردو پوائنٹ تازہ ترین اخبار۔ 28 جنوری 2015ء ) حکومت موجودہ ٹیکس دہندگان پر مذید بوجھ ڈالنے کی بجائے بتدریج ٹیکس کے دائرہ کار کو وسعت دینے پر توجہ دے ٹیکس ریونیو کو بہتر کئے بغیر معاشی ترقی کا خواب شرمندہ تعبیر نہیں ہوسکتا حکومت خسارے میں چلنے والی تمام سرکاری اداروں کی نجکاری کرے فیڈریشن آف پاکستان چیمبرز آف کامرس اینڈ انڈسٹری مشاورت سے معیشت کی بحالی کیلئے مختصر درمیانے اور طویل المدت منصوبوں پر کام کر رہی ہے اور معیشت کو مشکلات سے نکالنے کیلئے حکومت کے ساتھ بھرپور تعاون کرے گی۔
ان خیالات کا اظہار فیڈریشن کے صدر میاں محمد ادریس نے ایک عشایئے سے خطاب کرتے ہوئے کیا ۔ عشائیے کا اہتمام اسلام آباد چیمبر آف کامرس اینڈ انڈسٹری نے فیڈریشن کے نومنتخب عہدیداران اور یونائیٹڈ بزنس گروپ کے قائدین کے اعزاز میں کیا۔(جاری ہے)
عشائیے میں ٹریڈ ڈویولپمنٹ اتھارٹی آف پاکستان کے چیف ایگزیکٹو اور یونائیٹڈ بزنس گروپ کے سرپرست اعلیٰ ایس ایم منیر، یونائیٹڈ بزنس گروپ کے چیئرمین افتخار علی ملک اور فیڈریشن کے صدر میاں محمد ادریس مہمان خصوصی تھے۔
آئی سی سی آئی فاوٴنڈر گروپ کے چیئرمین اور گروپ لیڈر یونائیٹڈ بزنس گروپ عبدالروٴف عالم، ایف پی سی سی آئی کے نائب صدور، چیمبرز آف کامرس اینڈ انڈسٹری کے صدور اور دیگر اعلیٰ شخصیات کے علاوہ ملک بھر سے تاجر وں راہنماوٴں کی ایک کثیر تعدادنے عشائیے میں شرکت کی۔تقریب سے خطاب کرتے ہوئے ایف پی سی سی آئی کے صدر میاں محمد ادریس نے کہا کہ اس وقت ملک کو ٹیکس ریونیو بہتر کرنے کی اشد ضرورت ہے جس کے بغیر اقتصادی ترقی ممکن نہیں لہذا تاجر بردری اس سلسلے میں مزید فعال کردار ادا کرے۔ انہوں نے کہا کہ فیڈریشن کی کارکردگی میں نمایاں بہتری لانے کیلئے متعدد اقدامات اٹھائے جا رہے ہیں ۔ انہوں نے کہا کہا حکومت خسارے میں چلنے والے تمام کمرشل اداروں کی نجکاری کرے کیونکہ کاروبار چلانا حکومت کا کام نہیں ہے بلکہ یہ بزنس کمیونٹی کا کام ہے۔ انہوں نے یقین دہانی کرائی کہ فیڈریشن کی نئی قیادت تاجر برادری کی توقعات پر پورا اترنے کی بھر پور کوشش کرے گی۔ ٹریڈ ڈویولپمنٹ اتھارٹی آف پاکستان کے چیف ایگزیکٹو ا اور یونائیٹڈ بزنس گروپ کے سرپرست اعلیٰ ایس ایم منیر نے کہا کہ حکومت معیشت کی بہتری کیلئے بزنس کمیونٹی کو نمایاں کردار دے کیونکہ وہ قوم کی تقدیر بدلنے کی صلاحیت رکھتے ہیں۔ انہوں نے کہا کہ پاکستان برآمدات کو فروغ دینے کی عمدہ صلاحیت رکھتا ہے اور ٹریڈ ڈیولپمنٹ اتھارٹی آف پاکستان نجی شعبے کو برآمدات بڑھانے کیلئے ہر طرح کا تعاون فراہم کرے گی۔ انہوں نے یونائیٹڈ بزنس گروپ کو فیڈریشن کے الیکشن میں کامیاب کرانے پر تاجر برادری کا شکریہ ادا کیا اور یقین دہانی کرائی کہ فیڈریشن کی نئی قیادت ان کی توقعات پر پورا اترے گی۔ یونائیٹڈ بزنس گروپ کے چیئرمین افتخار علی ملک نے کہا کہ پلاننگ کمیشن معیشت کو بہتر لانے کے لئے ایک 10 نکاتی ایجنڈے پر کام کر رہا ہے لہذا تاجر برادری اس سلسلے میں اپنی تجاویز ارسال کرے تاکہ مل جل کر ملک کو مشکلات سے باہر نکالا جا سکے انہوں نے کہا اب وقت آگیا ہے کہ تاجر برادری کی نوجوان قیادت کو آگے لایا جائے تا کہ وہ معیشت کی ترقی میں مثبت کردار ادا کر سکیں۔ آئی سی سی آئی فاوٴنڈر گروپ کے چیئرمین اور گروپ لیڈر یونا ئیٹڈ بزنس گروپ عبدالروٴف عالم نے یونائیٹڈ بزنس گروپ کی طر ف سے کاروباری سیاست میں جمہوری کلچر کو متعارف کرانے پر گروپ کے سرپرست اعلیٰ ایس ایم منیر اور چیئرمین افتخار علی ملک کی خدمات کو خراج تحسین پیش کیا ۔ انہوں نے کہا حکومت سرمایہ کاروں کو مزید مراعات فراہم کرے جس سے سرمایہ کاری بڑھے گی ۔ انہوں نے حکومت موجودہ ٹیکس دہندگان پر مذید بوجھ ڈالنے کی بجائے بتدریج ٹیکس کے دائرہ کار کو وسعت دینے پر توجہ دے۔ انہوں نے کہا کہ فیڈریشن کی نئی قیادت کو تاجر برادری کی توقعات پر پورا اترنے کیلئے ہنگامی بنیادوں پر کام کرنا ہو گا۔ اسلام آباد چیمبر آف کامرس اینڈ انڈسٹری کے صدر مزمل حسین صابری نے اپنے استقبالیہ خطاب میں ایف پی سی سی آئی کے انتخابات میں بھاری اکثریت سے کامیابی حاصل کرنے پر یونائیڈ بزنس گروپ کو مبارکباد پیش کی اور اس امید کا اظہا ر کیا کہ نئی ٹیم ایف پی سی سی آئی کو ایک بہتر اور فعال تجارتی ادارہ بنائے گی جو تاجر برادری کی بہتری کے لئے اور ملکی معیشت کو فروغ دینے میں کردار ادا کرے گا۔مزید تجارتی خبریں
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
-
زیرگردش کرنسی کے حجم میں ہفتہ واربنیاد پر2.1 فیصداضافہ ہوا،سٹیٹ بینک
-
ملک میں سیمنٹ کی ریٹیل قیمتوں میں گزشتہ ہفتہ کے دوران کمی
-
برائلرگوشت کی قیمت میں مزید 25 روپے کلو کمی
-
چینی کی مصنوعی قلت،فی بوری قیمت میں 100روپے کااضافہ کر دیا گیا
-
ملک میں منگل کو سونے کی فی تولہ قیمت میں 7800 روپے کی کمی ہوئی
-
ایف ڈی آئی میں مارچ کے دوران سالانہ بنیاد پر 52 فیصد اضافہ ہوا ،سٹیٹ بینک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.