کراچی ، تخریب کاری کا بڑا منصوبہ ناکام،120 کلو گرام باروی مواد ناکارہ بنا دیا گیا
بدھ 28 جنوری 2015 17:09
کراچی(اُردو پوائنٹ تازہ ترین اخبار۔ 28 جنوری 2015ء) ایڈیشنل آئی جی غلام قادر تھیو نے پروفیسر سبط حسن اور پروفیسر شکیل اوج کے قتل میں ملوث ملزم شکیل کو میڈیا کے سامنے پیش کرتے ہوئے کہا ہے کہ ملزم ٹارگٹ کلنگ ،رینجرز اور پولیس اہلکاروں پر فائرنگ میں ملوث ہے اور اس تعلق ایک سیاسی جماعت سے ہے ۔بدھ کے روز پریس کانفرنس کرتے ہوئے کراچی پولیس چیف نے کہا ہے کہ گرفتار ٹارگٹ کلر نے دوران تفتیش اعتراف کیا ہے کہ انہوں نے پروفیسر شکیل اوج اور پروفیسر سبط حسن کو ٹارگٹ کلنگ کا نشانہ بنایا ہے ۔
ملزم نے اپنا تعلق ایک سیاسی جماعت سے بتایا ہے ۔کراچی پولیس چیف نے مزید کہا کہ ملزم نے 1993 ء میں سیاسی جماعتوں کے تین کارکنوں کو قتل کرنے کا اعتراف کیا ہے اور دوران تفتیش بتایا ہے کہ انہوں نے رینجرز اہلکاروں اور پولیس اہلکاروں کو کئی بار فائرنگ کا نشانہ بنایا تاہم ان کی فائرنگ سے کوئی جانی نقصان نہیں ہوا ۔(جاری ہے)
انہوں نے کہا کہ ملزم کا پانچ رکنی ٹارگٹ کلنگ گروہ ہے جو شہر میں متعدد وارداتوں میں ملوث ہے اور اس گروہ نے کئی افراد کو ٹارگٹ کلنگ کا نشانہ بنایا ہے ۔
انہوں نے کہا کہ اس گروہ کے خلاف پولیس نے سرچ آپریشن شروع کر دیا ہے اور جلد ہی ان کی گرفتاری عمل میں لائی جائے گی ۔کراچی پولیس چیف نے پریس کانفرنس کے دوران انکشاف کیا ہے کہ پولیس نے کراچی کو بڑی تباہی سے بچاتے ہوئے 120 کلو گرام بارودی مواد کو ناکارہ بنا دیا گیا ہے اور یہ مواد ایک رکشے سے برآمد کیا گیا ہے ۔غلام قادر تھیو نے کہا کہ انہیں تشویش ہے کہ ڈسٹرکٹ سنٹرل میں ٹارگٹ کلنگ کیوں ہوتی ہے ۔ان کا کہنا تھا کہ پولیس کی کارکردگی سے ٹارگٹ کلنگ میں کمی ہوئی ہے اور پولیس کا کسی سیاسی جماعت سے کوئی تعلق نہیں ہے انہوں نے کہا کہ ہماری کوشش ہے کہ شہر میں ایک بھی ٹارگٹ کلر نہ ہو اور شہر میں امن وامان کی صورت حال بہتر ہومتعلقہ عنوان :
مزید اہم خبریں
-
ایف بی آرکا ٹریک اینڈ ٹریس سسٹم ناکام
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
-
وزیردفاع کی شنگھائی تعاون تنظیم کے سالانہ اجلاس میں شرکت ، فاعی تعاون کے اقدامات سمیت علاقائی سلامتی کے امورکا جائزہ لیا
-
وزیراعلی مریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
گھریلو اور کمرشل سولر پینل لگانے والوں پر ٹیکس لگانے کی تجویز سامنے آگئی
-
پاکستان کی امریکا سے درآمدات پرانحصار میں بڑی کمی
-
پاکستان اہم ترین شراکت داروں میں سے ایک ہے، امریکا
-
بانی پی ٹی آئی کا ڈی چوک کا دھرنا دو ججوں نے واپس کرایا، فیصل واوڈا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.