نیوزی لینڈ میں کرکٹ کے عالمی میلے کی افتتاحی تقریب کی تیاریاں زور و شور سے جاری
جمعرات 29 جنوری 2015 15:09
ویلنگٹن( اُردو پوائنٹ تازہ ترین اخبار۔ 29 جنوری 2015ء ) نیوزی لینڈ میں کرکٹ کے عالمی میلے کی افتتاحی تقریب کی تیاریاں زور و شور سے جاری ہیں جس کے لیے خصوصی نغمہ بھی تیار کیا جارہا ہے۔ نغمے کے پس منظر میں زلزلے کی تباہ کاریوں کے مناظر شامل ہیں۔ گلوکارہ ہیلے ویسٹینر ریہرسل کے لیے لندن سے آکلینڈ پہنچ گئیں۔ورلڈ کپ کے مشترک میزبان نیوزی لینڈ میں میگا ایونٹ کی افتتاحی تقریب ہیگلے پارک آکلینڈ میں بارہ فروری کو ہوگی۔
اسی روز آسٹریلیا کے شہر میلبرن مین بھی افتتاحی تقریب کا انعقاد کیا جائے گا۔ کیویز کے دیس میں افتتاحی تقریب کے شایان شان انعقاد کی تیاری بھرپور انداز سے جاری ہیں۔ تقریب کے خصوصی نغمے میں گلوکارہ ہیلے ویسٹینر اپنی آواز کا جادو جگائیں گی۔ وہ اس نغے کی ریہرسل کے لیے لندن سے آکلینڈ پہنچ گئی ہیں۔(جاری ہے)
خصوصی نغمے کے بیک گراوٴنڈ میں کرائسٹ چرچ میں زلزلے کی تباہ کاری کے مناظر شامل کیے گئے ہیں جبکہ بچے کورس میں اسٹینر کا ساتھ دیں گے۔
ہیلے ویسٹینر کی کرائسٹ چرچ سے جذباتی وابستگی ہے۔ وہ یہاں دو ہزار گیارہ میں آنے والے زلزلے کو اب تک بھلا نہیں پائیں۔ ان کا کہنا ہے کہ انہیں اپنی سرزمین اور لوگوں کے سامنے پرفارم کرنے کا موقع ملاہے جس پر وہ بے حد خوش اور کافی پرجوش ہیں۔ ورلڈ کپ کا نغمہ گانا ان کے لیے بہت بڑا اعزاز ہے۔تقریب میں ہزار افراد ہیگلے پارک میں موجود ہوں گے جبکہ لاکھوں ناظرین اپنے ٹی وی اسکرین پر اسے براہ راست دیکھیں گے۔ تقریب کے ڈائریکٹر جوناتھن الویر کا دعویٰ ہے کہ ویسٹینر کی پرفارمنس پر لوگوں کے لیے اپنے اشکوں پر قابو پانا مشکل ہوگا۔ ورلڈ کپ کی افتتاحی تقریب میں نیوزی لینڈ کے سابق کرکٹرز سر رچرڈ ہیڈلی اور اسٹیفن فلیمنگ بھی پرفارم کریں گے۔متعلقہ عنوان :
مزید کھیلوں کی خبریں
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
-
بابر اعظم نے نیوزی لینڈ سے شکست کا ذمہ دار بیٹرز کو قرار دیدیا
-
پاکستان آئندہ سال چیمپئنز ٹرافی کے بعد نیوزی لینڈ کا دورہ کرے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.