عوام کودرپیش مسائل کے حل کیلئے عملی اقدامات اورعلاقہ کی ترقی اولین ترجیح ہوگی،حافظ محمدابراہیم لہڑی
جمعہ 30 جنوری 2015 14:40
سوراب(اُردو پوائنٹ تازہ ترین اخبار۔ 30 جنوری 2015ء) نومنتخب وائس چیئرمین ڈسٹرکٹ کونسل قلات حافظ محمدابراہیم لہڑی نے کہا کہ عوام کودرپیش مسائل کے حل کے لیئے عملی اقدامات اورعلاقہ کی ترقی اولین ترجیح ہوگی،اتحادی جماعتوں ،پارٹی قائدین اورکارکنان نے جواعتمادکیاہے ،اس پرپورااترنے کے لیئے اپنی تمام ترصلاحیتیں صرف کریں گے ،میری خدمات بلاامتیازسیاسی ونظریاتی تعلق کے ضلع کے تمام عوام کے لیئے ہوں گی ،ان خیالات کااظہار انہو ں نے مولی ، سوراب سمیت دیگرعلاقوں سے مبارکباددینے کے لیئے آئے ہوئے وفودسے گفتگوکرتے ہوئے کیا،اس موقع پرجمعیت علماء اسلام کے ضلعی امیرمولاناآغامحمودشاہ ،ضلعی ناظم اطلاعات وممبرڈسٹرکٹ کونسل مولانامحمدقاسم فاروقی ،نامزدوائس چیئرمین میونسپل کمیٹی مولانا فضل الرحمان شاہ،ممبرڈسٹرکٹ کونسل عطاء اللہ شاہ سمیت دیگررہنماء بھی موجودتھے ،حافظ محمدابراہیم لہڑی کاکہناتھاکہ علاقہ اورعوام کے مفاد کے لیئے سیاسی قائدین نے جس رواداری اورسیاسی مفاہمت کامظاہرہ کیااس کی مثبت اثرات مرتب ہوں گے ،قلات کے باشعورعوام نے آغامحمودشاہ ، میرنعمت اللہ خان زہری ،میرخالدلانگواوردیگرسیاسی رہنماؤں کی دوراندیشی پرمبنی فیصلوں کے سراہتے ہوئے اس کے بدلے اتحادی جماعتوں کے نمائندوں کو شاندارکامیابی سے نوازا،اب ہماری تمام ترتوجہ یہاں کے لوگوں کی معیارزندگی میں بہتری لانے پرمرکوزہوگی ،اس وقت شہرسمیت نواحی علاقوں کے لوگوں کوبنیادی سہولیات کی عدم دستیابی کے باعث جن مشکلات کاسامناہے ،بحیثیت ایک سیاسی کارکن کے ان سے بخوبی واقف ہوں ،ان شاء اللہ ان مسائل کے حل کے لئے ہرممکن جدوجہدکی جائے گی ،خصوصاً پانی ،تعلیم صحت کے حوالے سے قلات کے دیہی علاقوں میں جومشکلات درپیش ہیں،ایک مربوط منصوبے کے تحت تمام علاقوں پریکساں توجہ دیکر مسائل کے حل کے لیئے بتدریج اقدامات کئے جائیں گے ،انہوں نے کہاکہ کہ قلات کے عوام کی خوش قسمتی ہے یہاں کی ترقی اورخوشحالی کے یک نکاتی ایجنڈے پر علاقے کے تمام ترقدآورسیاسی جماعتوں جے یوآئی ،پاکستان مسلم لیگ ن ،نیشنل پارٹی اوردیگرجماعتوں کے قائدین ایک پلیٹ فارم پرمتحدہوچکے ہیں ،اب ان شاء اللہ علاقہ ترقی کے ایک نئے راہ پرگامزن ہوگا
مزید تجارتی خبریں
-
کراچی گولڈ بلین ایکس چینج کا سونے کے نرخ جاری کرنے کا اعلان
-
پیاز کی قیمتوں کمی جبکہ چینی قیمتوں اضافہ شروع ہوگیا پیاز کی قیمت 280سے کم ہوکر 140روپے فی کلو ہوگئی
-
لاہور: برائلر گوشت کی قیمت میں کمی
-
پاکستان سٹاک ایکسچینج میں تیزی ،100 انڈیکس نئی بلند ترین سطح پر پہنچ گیا
-
اوپن مارکیٹ میں چینی کی قیمتیں بڑھنا شروع ہوگئیں
-
برائلر گوشت کی قیمت میں 12روپے کلو کمی
-
فیصل آباد میں مرغی کے گوشت کو پرلگ گئے مرغی کے گوشت کی قیمتیں آسمان کوجا پہنچیں
-
چینی کی قیمت اضافے سے 150روپے فی کلو تک پہنچ گئی
-
ایک ہفتے کے دوران انٹر بینک میں روپے کے مقابلے ڈالر مہنگا ہو گیا تاہم اوپن مارکیٹ میں ڈالر سستا ہو گیا
-
پاکستان میں سونے کی قیمت بلند ترین سطح پر پہنچ گئی
-
ڈالر 37 پیسے مہنگا،کرنسی مارکٹ نے رپورٹ جاری کر دی
-
پاکستان اسٹاک ایکسچینج میں ہفتے کے دوران مثبت رجحان ریکارڈ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.