وزیر اعلیٰ پنجاب میاں شہباز شریف نے حکومت کیخلاف نکالی جانیوالی احتجاجی ریلی کی وضاحت طلب کر لی
جمعہ 30 جنوری 2015 16:45
سرگودھا (اُردو پوائنٹ اخبار تازہ ترین۔30جنوری2015ء) وزیر اعلیٰ پنجاب میاں شہباز شریف نے حکومت کیخلاف نکالی جانیوالی احتجاجی ریلی میں شرکت کرنے پر وفاقی پارلیمانی سیکرٹری چوہدری حامد حمید‘ صوبائی پارلیمانی سیکرٹری عبدالرزاق ڈھلوں‘ رکن پنجاب اسمبلی ڈاکٹر نادیہ عزیز کو لاہور طلب کرتے ہوئے حمزہ شہباز شریف کو ہدایت کی ہے کہ وہ ان سے ریلی کی قیادت کرنے پر وضاحت طلب کریں مسلم لیگی ذرائع کے مطابق تینوں اراکین اسمبلی کو جمعہ کے روز لاہور وضاحت کیلئے طلب کیا گیا جہاں پر صوبائی سیکرٹری برائے بلدیات عبدالرزاق ڈھلوں‘ ایم پی اے ڈاکٹر نادیہ عزیز پیش ہوئے اور انہوں نے سرگودھا میں محکمہ سوئی گیس کیخلاف نکلنے والی ریلی کی وضاحت پیش کی ذرائع کے مطابق اراکین اسمبلی کا کہنا تھا کہ لوگوں نے انکا گھیراؤ شروع کردیا تھا متعدد بار اس سلسلہ میں سوئی گیس افسران سے میٹنگ بھی ہوئی تاہم مسئلہ جوں کا توں ہی رہا اراکین اسمبلی نے بتایا کہ وہ جنازے میں شرکت کے بعد واپس آرہے تھے کہ بلاک 22 گئو شالہ کے رہائشیوں نے ان کی گاڑیوں کو روک لیا اور ان کے گاڑیوں کے ٹائروں کی ہواء تک نکال دی پولیس کی آمد پر کئی گھنٹے کے بعد انہیں محاصرے سے چھڑایا گیا تھا ذرائع کے مطابق حمزہ شہباز نے اراکین اسمبلی کو ہدایت کی کہ کسی بھی مسئلہ کے حل کیلئے مذاکرات ایک اہم ذریعہ ہیں احتجاجوں سے مسئلے حل نہیں ہوتے تاہم سرگودھا میں سوئی گیس میں حائل رکاوٹوں کا جائزہ لے رہے ہیں وزیر اعلیٰ پنجاب میاں شہباز شریف کی جانب سے نوٹس لینے پر ایم ڈی سوئی گیس عارف حمید نے اپنی رپورٹ پیش کردی ہے اراکین اسمبلی نے حمزہ شہباز شریف سے مطالبہ کیا کہ سرگودھا گیس کے پریشر کو بڑھانے کیساتھ ساتھ نئے ایس ایم ایس اور بی ٹی یو لگانے کے عمل کو ترجیحی بنیادوں پر شروع کرایا جائے تاہم یہاں یہ امر قابل ذکر ہے کہ جمعہ کے روز سرگودھا کے ان علاقوں میں بھی گیس آتی رہی جن میں پچھلے 4 ماہ سے گیس کی مکمل بندش تھی وفاقی پارلیمانی سیکرٹری امور کشمیر و گلگت بلتستان چوہدری حامد حمید اسلام آباد میں مصروفیات کے باعث پیش نہ ہوسکے ذرائع کے مطابق اراکین اسمبلی کو انتباہ کیا گیا کہ آئندہ حکومت کیخلاف احتجاج میں شرکت برداشت نہیں کی جائیگی مسائل کے حل کیلئے حکومت ہر وقت آپ کے ساتھ ہوگی۔
متعلقہ عنوان :
مزید قومی خبریں
-
گزشتہ 4سال نئی اسکیمز میں وفاق نے سندھ کو نظر انداز کیا، وزیر اعلی سندھ کا وزیراعظم سے شکوہ
-
تیز رفتار کار فٹ پاتھ پر سوئے افراد پر چڑھ گئی، 6 افراد زخمی
-
بیوی سے پریشان ہو کر خودکشی کا ڈرامہ کرنے والا شوہر زیر حراست
-
ایرانی صدر نے امید ظاہر کی کہ ایم او یوز پر شہباز اسپیڈ سے کام ہو گا: گورنرسندھ
-
شہبازشریف نے نواز شریف کو دھوکا دے کر وزارت عظمٰی چھین لی، لطیف کھوسہ
-
عمران خان نے حامد رضا کو پبلک اکاؤنٹس کمیٹی کے چیئرمین کے عہدے کے لیے نامزد کردیا
-
وزیراعلیٰ خیبرپختونخوا کہتے ہیں ہم مخصوص نشستوں پر حلف نہیں لینے دیں گے، فیصل کریم کنڈی
-
دریائوں اور آبی ذخیروں میں پانی کی صورتحال
-
فیس بک پر دوستی ، امریکن دوشیزہ نے سرگودھا پہنچ کر اسلام قبول کر لیا،شادی کی تیاریا شروع
-
سپیکر قومی اسمبلی سے پرتگال کے سفیر کی ملاقات، دونوں ممالک کے تعلقات مزید مستحکم بنانے کے عزم کا اعادہ
-
جنوبی پنجاب میں اسکول کے 5 لاکھ بچوں کو ناشتہ فراہم کیا جائے گا‘ عظمیٰ بخاری
-
نیئر حسین بخاری کی ایم این اے فتح اللہ خان کا شوکاز جاری کرنے سے متعلق خبر کی تردید
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.