ڈاکٹر سعیدہ بہترین استاد ‘ مایہ ناز محقق اور ایک مثالی کردار کی عظیم شخصیت تھیں‘ ڈاکٹر شاہد صد یقی
ہفتہ 31 جنوری 2015 12:34
اسلام آباد ) اُردو پوائنٹ تازہ ترین اخبار۔ 31 جنوری 2015ء (ڈاکٹر سعیدہ اسدالله خان)مرحومہ(ایک بہترین استاد ‘ مایہ ناز محقق اور ایک مثالی کردار کی عظیم شخصیت تھیں ‘ ایمانداری اور پختہ عزم کے ساتھ تعلیم کے فروغ کے لئے ان کی غیر معمولی خدمات ہمیشہ یاد رہے گی ‘ خوبیوں بھری ان کی شخصیت ہم سب کے لئے اور طلبہ کے لئے باالخصوص ایک رول ماڈل ہے۔
ان خیالات کا اظہار علامہ اقبال اوپن یونیورسٹی کے وائس چانسلر ‘ پروفیسر ڈاکٹر شاہد صدیقی نے یونیورسٹی میں منعقدہ تعزیتی ریفرنس سے خطاب میں کیا۔ ڈاکٹر سعیدہ اسدالله فاطمہ جناح ویمن یونیورسٹی کی سابق وائس چانسلر تھی جو گذشتہ جمعہ کے دن رضائے الٰہی سے رحلت پاگئی تھی۔تعزیتی ریفرنس تقریب کی صدارت ڈاکٹر شاہد صدیقی نے کی۔(جاری ہے)
انہوں نے کہا کہ ہائر ایجوکیشن کمیشن کے چئیرمین ‘ ڈاکٹر احمد مختار بھی اس تعزیتی ریفرنس میں آنے کے خواہشمند تھے لیکن کسی اہم اجلاس میں لازمی شرکت کے باعث انہوں نے اپنے نمائندے بھجوائے ہیں۔
تعزیتی ریفرنس کے مقررین میں فاطمہ جناح ویمن یونیوسٹی کی موجودہ وائس چانسلر ‘ پروفیسر ڈاکٹر ثمینہ امین قادر‘ شزرہ منور ‘ نمل کی ڈاکٹر شاہینہ ایوب بھٹی ‘ انٹرنیشنل اسلامی یونیورسٹی کی ڈاکٹر منزہ یعقوب ‘ ائیر یونیورسٹی کی ڈین فیکلٹی آف سوشل سائنسسز ڈاکٹر روبینہ کامران شامل تھی۔ فاطمہ جناح ویمن یونیورسٹی کی وائس چانسلر ‘ ڈاکٹر ثمینہ امین قادر نے کہا کہ ڈاکٹر سعیدہ اسدالله نرم مزاجی ‘ درگزر ‘ شفقت اور گزرے ہوئے خوشگوار لمحات کی وجہ سے ہمارے دلوں میں ہمیشہ زندہ رہیں گی۔انہوں نے کہا کہ ڈاکٹر سعیدہ ان کی قریبی دوست تھی اور کسی سے تنازعہ کی صورت میں ہمیشہ "بس کرو ‘ حوصلہ کرو اور کڈے میں ڈال دو" کی درس دیتی تھی۔ انہوں نے کہا کہ ڈاکٹر سعیدہ نے کبھی کسی کی دل آزاری نہیں کی تھی وہ نہایت مذہبی اور صاف ستھرے کردار کی مالکہ تھی اور الله پر انہیں پختہ یقین تھا۔ دیگر مقررین نے کہا کہ ڈاکٹر سعیدہ وقت کی بہت پابندی کرتی تھی۔ پیار و محبت اور عفو و درگزر ان کی خوبیاں تھی۔ طلبہ کی سہولتوں میں اضافے کے لئے دلیری اور ہمت سے آگے بڑھ رہی تھی۔خود اچھی تھی اور ہر ایک سے اچھائی کی امید رکھتی تھی۔ اوپن یونیورسٹی میں منعقدہ تعزیتی ریفرنس میں مقررین نے ڈاکٹر سعیدہ اسدالله خان)مرحومہ(کو ان کی تعلیمی خدمات کے اعتراف میں خراج تحسین پیش کیا۔تقریب کے اختتام پر فاطمہ جناح ویمن یونیورسٹی کی وائس چانسلر ‘ ڈاکٹر ثمینہ امین قادر نے تلاوت کلام پاک اور مرحومہ کے ایصال ثواب کے لئے اجتماعی دعائے مغفرت کرائی اور مرحومہ کے پسماندگان کے لئے بھی صبر جمیل عطا کرنے کی دعا کی گئی۔ #/s#مزید قومی خبریں
-
سرکاری بلڈنگزکی تعمیر کامعاملہ، بورڈآف ریونیوحکومت پنجاب نے 1ارب 27کروڑ 69لاکھ پانچ ہزارروپے کے فنڈزجاری کردئیے
-
حکومت کی مثبت پالیسیوں کی بدولت آئی ٹی سیکٹر کو مزید ترقی ملے گی ،پاکستان عالمی سطح پر آئی ٹی کے شعبے میں لیڈر بننے جا رہا ہے،شیزا فاطمہ خواجہ
-
100 گرام روٹی کا نرخ 15 روپے مقرر کیا گیا ہے،ڈپٹی کمشنر
-
علی امین گنڈاپورکے خلاف غیر قانونی شراب اور اسلحہ کیس کی سماعت 19اپریل تک ملتوی
-
صدرمملکت کے پارلیمنٹ کے مشترکہ اجلاس سے خطاب کے موقع پرگیلریاں مہمانوں سے بھری رہیں
-
وزیر اعظم غیر ملکی سرمایہ کاری کے مشن پر کام کر رہے ہیں،حکومت آئی ٹی کے شعبے کی ترقی کیلئے ہر ممکن مدد کرے گی ،شیزا فاطمہ
-
ای او بی آئی کے دفاتر میں ہیلپ ڈیسک قائم کئے جائیں:پنشنرز فورم
-
سندھ ہائی کورٹ نے تحریک انصاف سندھ کے صدر حلیم عادل شیخ کی گرفتاری اور مقدمات کے خلاف درخواست غیر موثر ہونے پر نمٹادی
-
سیالکوٹ، پولیس کی بجلی چوری کے مرتکب ملزمان کے خلاف کارروائی، 3 ملزمان گرفتار
-
اٹک پولیس نے مرغوں کی لڑائی پرقمار بازی کرنے والے 10 افراد گرفتارکرلئے
-
اٹک ، سرکاری سکول سے سولرپلیٹس چوری کرنے والاملزم گرفتار
-
تین سالہ معصوم بچے اغواء کرکے جنسی زیادتی کرنے والا درندہ صفت ملزم اپنے ہی ساتھیوں کی فائرنگ سے ہلاک
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.