اہل تشیع کا قتل پاکستان کیخلاف گہری سازش ، بیگناہوں کا قتل قابل مذمت ہے ،غلام عباس صدیقی
ہفتہ 31 جنوری 2015 12:59
راولپنڈی (اُردو پوائنٹ تازہ ترین اخبار۔ 31 جنوری 2015ء) حکمرانوں کی غلط پالیسیوں اور ڈر کے باعث پاکستان میں حکومت کی رٹ ختم ہو چکی ہے یہ رٹ اس دن بحال ہوگی جس دن حکومت ملک میں دہشت گردی کے اصل کرداروں امریکہ،اسرائیل اور بھارت سے دو ٹوک الفاظ میں بات کریگی، اسلامی تحریک طلبہ پاکستان کے رہنماوٴں غلام عباس صدیقی،شاہد نذیر،ذکی الدین،محمد عدنان،عبدالغفار نے شکار پورمیں خودکش حملے کے نتیجے میں قتل اور زخمی ہونیوالے پاکستانیوں کے قتل عام کی شدید الفاظ میں مزمت کرتے ہوئے کہا ہے کہ سانحہ شکارپورپاکستان کے خلاف گہری سازش ہے ایک خاص مذہب کی عبادت گاہ کو نشانہ بنانے کا مقصد وطن عزیز میں خانہ جنگی کے حالات پیدا کرنا ہیں اس حملے میں اسلام اورپاکستان دشمن قوتوں کو کسی قیمت پر نظر انداز نہیں کیا جا سکتا ،اسلامی تحریک طلبہ کے قائدین نے کہا کہ سانحہ شکارپور کے مجرم کسی رعائیت کے مستحق نہیں انھیں بے نقاب کرکے قوم کے سامنے لایا جائے امریکہ،اسرائیل،بھارت کسی قیمت پر پاکستان میں امن کے خواہش مند نہیں ہیں یہ حملہ انہی قوتوں کاشاخسانہ ہے حکومت بھارت سے دوستی کے نام کی پینگیں نہ چڑھائے بلکہ دہشت گردی میں ملوث بھارت اور اس کے سر پرستوں امریکہ اور اسرائیل کے نام کھلے عام ثبوت سے دنیا کے سامنے پیش کرے پاکستان میں ساری دہشت گردی کے تانے بانے انہی قوتوں سے ملتے ہیں انہوں نے کہا کہ عقیدے،مذہب کے اختلافات کا دہشت گردی سے تعلق نہیں ہے،پاکستان کی کسی دینی جماعت نے اختلافات کی بنیاد پر کسی مخالف کو قتل کرنے کی حمایت نہیں کی ،حکومت ملک دشمن عناصر کا چہرہ بے نقاب کرے ،حقیقی امن قائم کرنے کے لئے حکومت کو اسلامی نظام اور اسلامی سزاوٴں کا اجراء فورا کردینا چاہیے اسلام ہی واحد امن کا راستہ ہے اسلامی تحریک طلبہ بے گناہوں کے قتل عام پر شیعہ مذہب اور لواحقین کے غم میں برابر کی شریک ہے دہشت گردی کا کوئی مذہب نہیں ہوتا دہشت گردی کو دینی حلقوں کے ساتھ جوڑنے کی بجائے حکومت اصل دشمنوں کا تعین کرکے ان کیخلاف کارروائی عمل میں لائے۔
مزید قومی خبریں
-
وزیر اعلیٰ مریم نواز کی زیر صدارت پلاننگ اینڈ ڈویلپمنٹ بورڈ آفس میں پانچ گھنٹے طویل اجلاس، 33 سپیشل پراجیکٹس پر پیشرفت کا جائزہ
-
وزیراعلیٰ مریم نوازکی زیر صدارت اجلاس، 33 سپیشل پراجیکٹس پر پیشرفت کا جائزہ
-
سابق گورنرعمرسرفرازچیمہ کے جسمانی ریمانڈ میں توسیع نہ کرنے کے خلاف کیس میں سماعت ملتوی
-
وزیراعلیٰ سندھ کی زیر صدارت پاکستان پیپلز پارٹی لاڑکانہ ڈویژن کا اجلاس
-
وزیر اعلی پنجاب کی زیر صدارت سی بی ڈی اتھارٹی کے پراجیکٹس سے متعلق اجلاس، آئی ٹی سٹی میں سلیکون کلسٹر پر پیشرفت کا جائزہ لیا گیا
-
پاکستان مسلم لیگ (ن) کی جنرل کونسل کا اجلاس 28 مئی کو ہو گا، مریم اورنگزیب
-
او آئی سی میں غزہ میں جاری مظالم ، مسئلہ کشمیراوراسلامو فوبیا پر آواز اٹھانا ہمارا ایجنڈا تھا،نائب وزیراعظم و وزیرخارجہ کی پریس کانفرنس
-
سوشل میڈیا پر حکومت مخالف مہم چلانے پر یو کے پلٹ شخص گرفتار
-
پاسپورٹ کی فاسٹ ٹریک فیس میں اضافہ کردیا گیا
-
وزیر اعلیٰ مریم نواز شریف نے وعدہ پورا کردیا
-
اپریل میں بارشوں کا 41 سال پرانا ریکارڈ ٹوٹ گیا
-
پاسپورٹ کی فاسٹ ٹریک کیٹیگری کی فیسوں میں اضافہ کردیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.