ورلڈ کپ سے قبل محمد عامر کے ایشو کو اٹھا کر ایک نیا پنڈورہ بکس کھول دیا گیا ہے ،عبدالقادر
ہفتہ 31 جنوری 2015 13:09
اسلام آباد(اُردو پوائنٹ تازہ ترین اخبار۔ 31 جنوری 2015ء)سابق ٹیسٹ کرکٹر لیگ اسپنر عبدالقادر نے کہا ہے کہ ورلڈ کپ سے قبل محمد عامر کے ایشو کو اٹھا کر ایک نیا پنڈورہ بکس کھول دیا گیا ہے ، اسپاٹ فکسنگ کیس میں محمد عامر کو رعایت دیکر محمد آصف ، سلمان بٹ اور دانش کنیریا کے ساتھ زیادتی کی گئی ہے ، یا تو سب کو معاف کردیا جاتا یا سب کی سزا برقرار رہتی جبکہ سابق ٹیسٹ کرکٹر سرفراز نواز نے کہا ہے کہ پاکستان کرکٹ بورڈ نے محمد عامر کے حق میں جو پابندی ختم کرنے کے لئے فیصلہ کروایا ہے ان کو چاہیے کہ وہ محمد عامر کو صرف فسٹ کلاس کرکٹ تک محدود رکھیں۔
اُردو پوائنٹ تازہ ترین اخبار۔ 31 جنوری 2015ء سے خصوصی گفتگو کرتے ہوئے عبدالقادر نے کہا کہ آئی سی سی کے کرپشن یونٹ نے اب تک کتنے کیس پکڑے ہیں اور کتنے لوگوں کو سزائیں دی ہیں ۔(جاری ہے)
انہوں نے کہا کہ پاکستان کرکٹ بورڈ میں بیٹھے لوگ نااہل ہیں جو آئی سی سی کی آنکھوں میں آنکھیں ڈال کر بات نہیں کرسکتے ۔ انہوں نے کہا کہ ماضی میں بھی لوگ کرپشن میں ملوث تھے ان کو کون سی سزائیں دی گئی ان کے ساتھ کیاکیا گیا ۔
انہوں نے کہا کہ ورلڈ کپ سے پہلے محمد عامر کا ایشو اٹھانا مناسب نہیں تھا اس سے ایک نیا پنڈورا بکس کھل گیا اور اگر پاکستان ورلڈ کپ میں ہار گیا تو اس پر انگلیاں اٹھیں گی اور کئی سوالات جنم لینگے ۔ سابق ٹیسٹ کرکٹر سرفراز نواز نے اُردو پوائنٹ تازہ ترین اخبار۔ 31 جنوری 2015ء سے گفتگو کرت ہوئے کہا کہ پاکستان کرکٹ بورڈ نے محمد عامر کے حق میں جو پابندی ختم کرنے کے لئے فیصلہ کروایا ہے ان کو چاہیے کہ وہ محمد عامر کو صرف فسٹ کلاس کرکٹ تک محدود رکھیں ۔ انہوں نے کہا کہ محمد عامر کو انٹرنیشنل سطح پر ٹیم سے باہر رکھا جائے اور ان کو ٹیم میں شامل نہ کیا جائے اور صرف فسٹ کلاس کرکٹ کھیلنے کی اجازت دی جائے انہوں نے کہا کہ عامر پر اسپاٹ فکسنگ کے الزامات ثابت ہوگئے تھے اور اس نے برطانیہ کی جیل میں سزا بھی کاٹی ہے اور اس کے ماضی کا ریکارڈ اچھا نہیں ہے عامر کو صرف فسٹ کلاس تک کھیلنے کی اجازت دی جائےمزید کھیلوں کی خبریں
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.