عمران خان تسلیم کرلیں، عوام نے انھیں منتخب ہی نہیں کیا: پرویز رشید

بدھ 4 فروری 2015 18:33

اسلام آباد(اُردو پوائنٹ اخبارتازہ ترین۔4فروری۔2015ء) سینیٹر پرویز رشید نے کہا ہے کہ عمران خان اب اپنا رونا بند کرکے خیبر پختونخوا میں اپنا کردار ادا کریں۔وفاقی وزیر اطلاعات پرویز رشید نے کہا ہے کہ عمران خان صاحب کی ذہنی حالت پر ترس آتا ہے۔ کمشن کی رپورٹ کچھ کہہ رہی ہے لیکن عمران خان کچھ اور کہہ رہے ہیں۔ خان صاحب نے اپنی ہی عدالت لگا رکھی ہے۔

(جاری ہے)

وہ اپنے طالبان بھائیوں کی طرح قانون کے فیصلے نہیں مانتے۔ پرویز رشید نے کہا کہ عمران خان صاحب کو جہاں اپنی شکست نظر آتی ہے وہاں دھاندلی کا راگ الاپنا شروع کر دیتے ہیں۔ عمران خان کے اصرار پر جو بھی حلقہ ہوا وہاں ان کی سخت سبکی ہوئی۔ وفاقی وزیر نے کہا کہ عمران خان تسلیم کرلیں کہ پاکستان عوام نے انھیں منتخب ہی نہیں کیا. چیئرمین تحریک انصاف کو چاہیے کہ وہ دھاندلی کا رونا بند کریں اور اپنی بھرپور توجہ خیبر پختونخوا پر موکوز کرکے اپنا کردار ادا کریں.