دہشتگردی کوختم کرنے کے لیے جب تک ہم گراس روٹ لیول پر توجہ نہیں دینگے یہ مسئلہ حل نہیں ہوگا،سید سمیع اللہ شاہ راشدی
جمعرات 5 فروری 2015 16:11
خیرپور(اُردو پوائنٹ تازہ ترین اخبار۔ 05فروی 2015ء)پاکستان تحریک انصاف کے رہنما پیر سید سمیع اللہ شاہ راشدی نے کہا ہے کہ دہشتگردی کوختم کرنے کے لیے جب تک ہم گراس روٹ لیول پر توجہ نہیں دینگے یہ مسئلہ حل نہیں ہوگا۔ دہشتگردوں کو پھانسی دینے سے وقتی طور پر اس میں کمی تو آسکتی ہے مگر اسے ختم نہیں کیا جاسکتا۔ ضرورت اس بات کی ہے کہ اس ناسور کو ختم کرنے کیلئے حکومت کے ساتھ ساتھ تمام افراد کواپنا کردار ادا کرنا چاہئے۔
ان خیالات کا اظہار انہوں نے سکھر اور خیرپور یونین آف جرنلسٹس کے ایک وفد جس کی قیادت ایف ای سی کے رکن رشید رضا، صوفی اسحق ،شجاعت صدیقی کررہے تھے وفد میں شامل عمران ساحل، عرفان شیخ، پرویز خان، سردار دین محمد، فیصل عمران طاہر وارثی ،عابد پٹھان ودیگر بھی موجود تھے۔(جاری ہے)
ملکی ترقی، خوشحالی اور لوگوں کو بنیادی سہولیات اس وقت تک نہیں مل سکتی جب تک تعلیمی اور عدالتی نظام کوبہتر نہ بنایا جائے۔
ایجوکیشن سٹی کا درجہ رکھنے والے خیرپور کی درسگاہوں میں باصلاحیت، قابل اساتذہ کمی کی وجہ سے اس کے ثمرات زیر تعلیم طلبہ و طالبات پر مرتب نہیں ہورہے ۔بدقسمتی سے ہمارے ملک کے اعلیٰ ایوانوں میں موجود بہت سے نمائندوں کو عوام کے مسائل اور ان کے حل کے لیے قانون سازی کا علم ہی نہیں ہے جس کی وجہ سے لاکھوں افراد مسائل کی دلدل میں گھیرے ہوئے ہیں، نظام تعلیم کو بہتر بنانے، فروغ کے لیے حکمراں، سیاستدان بلند و بانگ دعوے تو کرتے ہیں مگر کسی بھی حکمراں اور سیاستدانوں کے بچے سرکاری اسکولوں میں تعلیم حاصل نہیں کرتے یہی وجہ ہے کہ تعلیم کے لیے شروع کردہ اقدامات غیر موثر نظر آتے ۔ سید سمیع اللہ شاہ راشدی کاکہنا تھا کہ خیرپور یونین آف جرنلسٹس کی جانب سے 10 فروری کو منعقدہ شہدائے صحافت ایوارڈ کی تقریب کو سرہاتے ہوئے کہا کہ صحافی مسائل میں گھرے لوگوں کی آواز اعلیٰ ایوانوں تک پہنچاتے ہیں اور شہداء کو یاد کرنا انتہائی اچھا عمل ۔ملک میں جاری دہشتگردی کی لہر پر اظہار خیال کرتے ہوئے کہا کہ سانحہ امام بارگاہ لکھی در شکارپور کی جتنی بھی مذمت کی جائے کم ہے ریاست ایک طاقت ہوتی ہے۔ اس کے باوجود دہشتگردی کو ختم کرنے کے لیے حکومت کے پاس کوئی ویژن نظر نہیں آتا۔ حکمرانوں کی غیر سنجیدگی کی وجہ سے دہشتگردی اور ان کو پناہ دینے والوں کو ختم نہیں کیا جاسکا۔اگرحکمران اور افسران درست سمت میں کام کرتے ہیں اسکے نتائج بھی اچھے نکلتے ہیں جس کی مثال ضلع خیرپور بھرایک اچھے پولیس افسر کی تعیناتی سے لوگ یہ امید لگا رہے ہیں کہ حالات میں بہتری آئے گی۔ چیئرمین عمران خان نے ملک میں تبدیلی کے لیے جو نعرہ لگایا تھا اب اس کے اثرات نظر آرہے ہیں اوروہ دن دور نہیں جب پی ٹی آئی اس ملک میں تبدیلی لائے گی ۔ لوگوں کو تعلیم، صحت بنیادی سہولیات گھر کی دہلیز پر میسر آئینگی۔ نظام تعلیم کو بہتر بنانے، فروغ کے لیے حکمراں، سیاستدان بلند و بانگ دعوے تو کرتے ہیں مگر کسی بھی حکمراں اور سیاستدانوں کے بچے سرکاری اسکولوں میں تعلیم حاصل نہیں کرتے ۔ یہی وجہ ہے کہ تعلیم کے لیے شروع کردہ اقدامات غیر موثر نظر آتے ہیں اور کسی بھی ملک کی ترقی، خوشحالی میں تعلیم اہم کردار ادا کرتی ہے۔ ہمارے ملک میں طویل عرصے سے لوگ بنیادی سہولیات کی عدم فراہمی کے حوالے سے شدید مشکلات سے دوچار ہیں اور اس میں بہتری اس وقت ممکن ہوگی جب حکمراں سنجیدہ اقدامات کرتے ہوئے تعلیم، صحت، عدالتی نظام کو بہتر بنانے کے لیے ٹھوس اقدامات کرتے ہوئے تمام اداروں میں سیاست سے بالاتر ہوکر میرٹ پر تقرریاں ہوں۔ پی ٹی آئی نے ملک کی بہتری اور انفراسٹرکچر بہتر بنانے کے لیے جو اقدامات کیے ہیں اب اس کے اثرات نظر آنا شروع ہوچکے ہیں طویل عرصے سے نعرے سننے والے اب بنیادی سہولیات کی فراہمی کے لیے صدائیں بلند کر رہے ہیں جوکہ ایک اہم تبدیلی ہے۔ پیر سید سمیع اللہ شاہ راشدی نے شہیدا صحافت کانفرنس میں اپنے بھرپور تعاون کا یقین بھی دلایا۔مزید قومی خبریں
-
چوھدری شافع حسین سے ترکیہ کے قونصل جنرل کی ملاقات، پنجاب اور ترکیہ کے مابین تجارتی تعاون بڑھانے پر اتفاق
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.