دوستانہ فٹ بال میچ: پاکستان نے افغانستان کو2-1 سے شکست دے دی
ہفتہ 7 فروری 2015 13:32
لاہور(اُردو پوائنٹ تازہ ترین اخبار۔ 07فروی 2015ء) لاہور میں کھیلے جانے والے دوستانہ فٹ بال میچ میں پاکستان نے افغانستان کو ایک کے مقابلے میں دو گول سے شکست دے دی ہے۔ اس سے قبل یہ دونوں ٹیمیں 2013 ء میں کابل میں آمنے سامنے ہوئی تھیں۔اس میچ کے بارے میں پہلے ہی کہا جا رہا تھا کہ پاکستان کو میزبانی کی وجہ سے برتری حاصل ہو گی۔ پاکستان کی جانب سے پہلا گول محمد ریاض نے کھیل کے 10 ویں منٹ میں کیا جس کے بعد افغان کھلاڑی امیر الدین انور نے 57ویں منٹ میں گول کرتے ہوئے میچ کو ایک ایک سے برابر کر دیا۔
مقررہ وقت کے دوران دونوں ٹیموں کا ایک ایک گول تھا۔ تاہم اضافی وقت میں متبادل کھلاڑی سعد اللہ نے پاکستان کی جانب سے دوسرا گول کیا اور یہ برتری میچ کے اختتام تک برقرار رہی۔(جاری ہے)
فٹ بال کی عالمی درجہ بندی میں افغان ٹیم 142 ویں نمبر پر ہے جبکہ پاکستان کا اس فہرست میں 188 واں نمبر ہے۔ درجہ بندی میں اس فرق کے باوجود پاکستانی کپتان حسن بشیر کا میچ سے قبل کہنا تھا، ”یہ حقیقت ہے کہ افغانستان کی ٹیم ہم سے بہتر ہے لیکن میچ میں ہم اس فرق کو حاوی نہیں ہونے دیں گے۔
“2013ء میں آخری مرتبہ یہ دونوں ٹیمیں کابل میں ایک دوسرے کے مد مقابل آئی تھیں اور یہ میچ افغان ٹیم نے تین صفر سے جیت لیا تھا۔ اس سے قبل 2005ء میں جنوبی ایشیا فٹ بال فیڈریشن کپ کا میچ کھیلنے کے لیے افغانستان کی ٹیم کراچی آئی تھی۔افغان ٹیم کے کپتان جلال الدین نے جمعے کے روز میچ شروع ہونے سے قبل کہا تھا کہ کھیل کے ذریعے دونوں ممالک کے تعلقات میں بہتری آئے گی: ”ہم دوستی کا پیغام لے کر آئے ہیں اور میرے خیال میں اس طرح کی دوستی خطے میں کھیلوں کے فروغ میں بھی اہم کردار ادا کرے گی۔“اس میچ میں پاکستان کے بہترین فٹ بالر محمد عادل اور کلیم اللہ شریک نہیں ہو سکے کیونکہ یہ دونوں کھلاڑی کرغزستان کے کلب ایف سی دوردوئی کی جانب سے کھیل رہے ہیں۔ پاکستانی کپتان حسن بشیر کے مطابق یہ دوستانہ میچ 2016ء کے اولمپکس اور 2018ء کے عالمی کپ کی تیاری کے اعتبار سے اہم تھا۔ عالمی کپ کے کوالیفائنگ میچز 12 سے 17 مارچ تک کھیلے جائیں گے جبکہ اولمپکس کے لیے میچز 23 سے 31 مارچ کو ہوں گے۔پاکستان کے سرکاری ٹیلی وڑن نے یہ فٹ بال میچ براہ راست نشر نہیں کیا۔ اس کی وجہ بتاتے ہوئے پی ٹی وی میں شعبہ کھیل کے سربراہ نعمان نیاز نے بتایا، ”سلور لیگ ون ڈے کرکٹ ٹورنامنٹ جاری ہے اور فیصل آباد وولفس اور واپڈا کا کرکٹ میچ ختم ہونے کے بعد فٹ بال میچ کی ریکارڈنگ نشر کی جائے گی۔مزید کھیلوں کی خبریں
-
کبھی کبھی سوچتا ہوں کیا آئی پی ایل کرکٹ بھی ہے؟، روی ایشون کی اشتہاری شوٹ کرنے والے کھلاڑیوں پر تنقید
-
کپتان کی ممکنہ تبدیلی، پی سی بی نے شاہین آفریدی کو اندھیرے میں رکھا
-
پی سی بی کا ریڈ اور وائٹ بال کرکٹ کیلئے الگ الگ کوچ مقرر کرنے کا فیصلہ
-
بابر اعظم کو ایک بار پھر قومی ٹی ٹونٹی ٹیم کی کپتانی سونپنے کا فیصلہ
-
پاکستان کے دورہ آئرلینڈ کے ٹی ٹونٹی میچز کے شیڈول کا اعلان
-
ٹینس اسٹار عشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
سعودی عرب میں ہمیشہ محبت ملی، ریٹائرمنٹ کا کوئی اراد ہ نہیں ہے ، لیونل میسی
-
بنگلہ دیش اور سری لنکا کی کرکٹ ٹیموں کے درمیان دوسرا اورآخری ٹیسٹ میچ 30 مارچ سے شروع ہوگا
-
پاکستان نیوزی لینڈ ٹی ٹوئنٹی سیریزکی ٹکٹوں کی فروخت جمعہ سے شروع ہوگی۔
-
ٹینس اسٹارعشنا سہیل کو ویمن ٹینس میں خدمات پر تمغہ امتیاز سے نواز دیا گیا
-
پنجاب کنگزکی نمائندگی کرنے والے سابق انگلش کرکٹرروی بوپارا نے دلچسپ واقعہ شیئرکردیا
-
میامی اوپن ٹینس مینزڈبلز، روہن بھوپنا اورمیتھیو ایبڈن سیمی فائنل میں پہنچ گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.