یورپی ممالک میں پاکستانی برآمدت میں ایک ارب ڈالر سے زائد کا اضافہ
پیر 9 فروری 2015 12:53
بر سلز (اُردو پوائنٹ تازہ ترین اخبار۔ 09فروی 2015ء) پاکستان اور یورپی یونین کے مابین گزشتہ برس طے پانے والی تاریخی اقتصادی ڈیل کے نتیجے میں یورپی ممالک کو برآمد کی جانے والی پاکستانی مصنوعات کے حجم میں ایک بلین ڈالر سے زائد کا اضافہ نوٹ کیا گیا ہے۔ غیر ملکی خبر رسا ں ادارے کے مطا بق 2013 کے اواخر میں یورپی یونین نے پاکستان کو ’جی ایس پی۔
پلس‘ کا درجہ دیا تھا، جس کا مطلب یہ تھا کہ آئندہ دس برس تک اس بلاک کے تمام رکن ممالک کو مخصوص مصنوعات برآمد کرنے پر کوئی ڈیوٹی یا ٹیکس ادا نہیں کیا جائے گا۔ اس ڈیل کا مقصد پاکستان کی اقتصادی صورتحال میں بہتری کے علاوہ ملک میں روزگار کے نئے مواقع پیدا کرنا بھی تھا۔اس ڈیل کے نتیجے میں پاکستانی حکومت نے بین الاقوامی کنوینشنز کے مطابق ملک میں انسانی حقوق کی صورتحال میں بہتری کے علاوہ لیبر سے متعلق قوانین کا تحفظ یقینی بنانا ہے۔(جاری ہے)
پاکستان میں بالخصوص ٹیکسٹائل انڈسٹری نے اس پیشرفت کو انتہائی اہم قرار دیتے ہوئے اس کا انتہائی جوش سے استقبال کیا تھا۔
اس ڈیل پر تبصرہ کرتے ہوئے پاکستان کے وزیر تجا رت خرم دستگیر خان نے فرا نسیسی خبر رساں ادارے کو بتایا ہے کہ اسی رعایتی ڈیل کی وجہ سے 2013 کے مقابلے میں گزشتہ برس کے دوران یورپی ممالک میں پاکستانی مصنوعات کے حجم میں 1.08 بلین ڈالر کا اضافہ ہوا ہے۔خرم دستگیر خان کے بقول گزشتہ برس جنوری سے اکتوبر تک کے اعداد و شمار کے مطابق جی پی ایس۔ پلس کے باعث پاکستانی مصنوعات کی یورپی ملکوں میں برآمد میں 1.08بلین ڈالر کا اضافہ ملکی معیشت کی ترقی کے لیے انتہائی اہم ثابت ہوا ہے۔ انہوں نے کہا کہ سن 2014 میں جنوری تا اکتوبر یورپی ملکوں کو برآمدات کا حجم 6.38 بلین ڈالر رہا جبکہ 2013ء کے انہی مہینوں کے دوران یہ حجم 5.3 بلین ڈالر تھا۔یہ امر اہم ہے کہ پاکستان کو جی ایس پی۔ پلس کا درجہ ملنے سے قبل پاکستان کی طرف سے یورپی ملکوں کو برآمد کی جانے والی ٹیکسٹائل پر 6.2 فیصد جبکہ چمڑے اور جوتوں کی مصنوعات پر بارہ فیصد تک ٹیکس ادا کرنا ہوتا تھا۔ کپڑے کی صنعت پاکستانی برآمدات میں ریڑھ کی ہڈی کی حیثیت رکھتی ہے اور ملکی برآمدات میں اس کا حصہ پچاس فیصد سے زائد بنتا ہے۔دستگیر خان نے ایسے امکانات کو مسترد کر دیا ہے کہ پاکستان میں سزائے موت پر عملدرآمد کے باعث یورپی یونین پاکستان کا جی ایس پی۔ پلس اسٹیٹس ختم کر سکتا ہے، ” گو کہ یورپی یونین نے تحفظات کا اظہار کیا ہے لیکن اس حوالے سے کوئی قانونی مجبوری نہیں ہے۔“ انہوں نے مزید کہا، ” وہ ہماری صورتحال سے واقف ہیں کہ جی ایس پی۔ پلس اسٹیٹس کے باعث ہم روزگار کے نئے مواقع پیدا کرنے کے قابل ہو رہے ہیں۔ جب ملازمتوں کے نئے مواقع ہوں گے تو نوجوان دہشت گردی سے خود ہی دور ہو جائیں گے۔متعلقہ عنوان :
مزید اہم خبریں
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
-
بانی پی ٹی آئی فوجی قیادت کے ساتھ مذاکرات چاہتے لیکن کوئی جواب نہیں آیا
-
ہم مذاکرات صرف فوج، آرمی چیف اور ڈی جی آئی ایس آئی کے ساتھ کریں گے
-
اسلام آباد ہائیکورٹ کے ججز کے خط پر فل کورٹ کی تشکیل سے گریز،عدالتی امور میں انٹیلیجنس ایجنسیوں کی مداخلت کے حوالے سے چیف جسٹس آف پاکستان کا بیان
-
پاکستان کی ترقی کے سفر میں رخنہ ڈالنے والوں کی تمام کوششیں ناکام ہوں گی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.