ورلڈ کپ سے قبل دھونی مشکل میں

بدھ 11 فروری 2015 17:21

ایڈیلیڈ(اُردو پوائنٹ اخبار تازہ ترین۔11فروری 2015ء)ہندوستانی ٹیم کے کپتان مہندرا سنگھ دھونی پاکستان کے خلاف میچ سے قبل بڑی مشکل میں پھنس گئے ہیں اور انہیں اپنی ٹیم کا باؤلنگ اٹیک ترتیب دینے کا چیلنج درپیش ہے۔ اورلڈ کپ میں باؤلنگ کمبی نیشن کے حوالے سے سوال پر دھونی کوئی تسلی بخش جواب نہیں دے سکے اور انہوں نے کہا کہ ہم ابھی انتظار کر رہے ہیں اور وکٹ دیکھ کر فیصلہ کریں گے۔

دھونی الیون نے افغانستان کے خلاف میچ میں 153 رنز سے کامیابی حاصل کی لیکن وہ کمزور افغان بیٹنگ کو آل آؤٹ نہ کر سکے۔ دھونی نے کہا کہ میں چاہتا ہوں کہ رویندرا جدیجا اور روی چندرہ ایشون اپنے 10 10 اوورز کا کوٹہ مکمل کریں لیکن میں پانچ باؤلرز استعمال کرنا چاہتا ہوں اور مجھے سریش رائنا کی ضرورت ہے۔

(جاری ہے)

اس موقع پر انہوں نے اپنی ٹیم کی حوصلہ افزائی کرتے ہوئے کہا کہ ورلڈ شروع ہونے سے قبل باؤلرز اور بلے بازوں نے اچھی کارکردگی کا مظاہرہ کیا۔

دھونی نے اپنی موجودہ فارم کے حوالے سے بھی پریشانی کا اظہار کرتے ہوئے کہا کہ میں نیٹ پریکٹس میں ٹھیک ٹھاک بیٹنگ کر لیتا ہوں لیکن گراؤنڈ میں کارکردگی نہیں دکھا پا رہا، لیکن کریز پر کچھ وقت گزارنے سے مجھے کافی مدد ملے گی۔ اس موقع پر دھونی نے اجنکیا راہانے کی تعریف کرتے ہوئے کہا کہ وہ ہمارے لیے بہت اہم ہے، اگر ہم ہندوستانی کرکٹ کی تاریخ کا جائزہ لیں تو پنچ نمبر کا بلے باز بہت اہم ہوتا ہے۔

Facebook Twitter Google + Share on Whatsapp

ورلڈ کپ سے قبل دھونی مشکل میں

مزید کھیلوں کی خبریں