نیشنل جونیئر ٹینس چمپئن شپ پنجاب کے ابدال حیدر نے جیت لی

جمعرات 12 فروری 2015 23:40

نیشنل جونیئر ٹینس چمپئن شپ پنجاب کے ابدال حیدر نے جیت لی

پشاور(اُردو پوائنٹ تازہ ترین اخبار۔ 12فروری 2015ء) نارتھ ویسٹ جونیئرنیشنل ٹینس چمپئن شپ اختتام پذیر ہوگئی ‘انڈر18 کیٹیگری میں لاہور کے ابدال حیدر اور انڈر14 میں اسلام آباد کے عزیفہ عبدالرحمان نے ٹرافی اپنے نام کی‘ وزیراعلیٰ کے مشیر برائے کھیل امجد خان آفریدی مہمان خصوصی تھے ان کے ہمراہ سیکرٹری سپورٹس آفتاب اکبردرانی ،صوبائی ٹینس ایسوسی ایشن کے صدر پروفیسر ڈاکٹر محمد طاہر ‘سیکرٹری جنرل عمرایاز خلیل‘سابق صوبائی وزیر کھیل سید عاقل شاہ ‘ سیکرٹری اولمپک ذوالفقار بٹ اور دیگر اہم شخصیات موجود تھیں انڈر18 میں ابدال حیدر نے چھ چار اور چھ دو سے کامیابی اپنے نام کی انڈر14 کیٹیگری کے فائنل میں اسلام آباد کے عزیفہ عبدالرحمان نے پشاور کے ثاقب عمر کو چھ تین اورچھ دو سے شکست دی ‘آخر میں مہمان خصوصی وزیراعلیٰ کے مشیربرائے کھیل امجد آفریدی نے کھلاڑیوں میں انعامات تقسیم کئے‘ وزیراعلیٰ کے مشیربرائے کھیل امجد آفریدی نے اس موقع پر اپنے خطاب میں اعلان کیا کہ شاہی باغ ٹینس کورٹس کی تعمیر و تزئین و آرائش اور پشاور قیوم سپورٹس کمپلیکس کے ٹینس کورٹس کی اپ گریڈیشن کا کام جلد ہی شروع کر دیا جائے گا۔

متعلقہ عنوان :