دیر لوئر کے ٹیسٹ کرکٹر عمران خان کی رسم نکاح،

ورلڈ کپ کھیلنے کی دیرینہ خواہش تھی ، والدہ کی خواہش پر نکاح کا فیصلہ کیا، میڈیا سے گفتگو

پیر 16 فروری 2015 19:16

دیر لوئر کے ٹیسٹ کرکٹر عمران خان کی رسم نکاح،

پشاور(اُردو پوائنٹ تازہ ترین اخبار۔ 16فروری 2015ء) دیر سے تعلق رکھنے والے ٹیسٹ کرکٹر عمران خان نے نکاح کی رسم اداکرکے خود کو بھی جنید خان کے ہم پلہ بنا دیا۔ اگرچہ دونوں کھلاڑی ورلڈ کپ میں ٹیم کی نمائندگی نہ کر سکے تاہم انہوں نے نکاح کر کے اپنے غم کو خوشی میں بدل دیا ہے ۔

(جاری ہے)

اس سلسلے میں گزشتہ روز پشاور کے مقامی شادی حال میں عمران خان کے نکاح کا پرقار اہتمام کیا تھا جس میں زندگی کے مختلف شعبوں سے تعلق رکھنے والے افراد کے علاوہ کرکٹ کے سابقہ اور موجودہ کھلاڑیوں سمیت ڈسٹرکٹ کرکٹ ایسوسی ایشن اور دیگر عہدیداران نے کثیر تعداد میں شرکت کی ۔

عمران خان نے خوشی کے لمحات کے موقع پر میڈیا سے بات چیت کرتے ہوئے کیا کہ ورلڈ کپ میں کھیلنے کی دیرینہ خواہش تھی مگر قسمت میں شائد ورلڈ کپ کھیلنا نہیں تھا جس کے بعد والدہ کی خواہش پر نکاح کرنے کا فیصلہ کیااور الحمداللہ تمام رسومات خیر و خوبی سے پایہ تکمیل تک پہنچ گئی ہیں۔ اللہ سے امید سے ہے کہ ان کی نہیں ہم سفر ان کیلئے کامیابی اور کامرانی کا باعث بنے گیں ۔ واضح رہے کہ عمران خان حال ہی میں آسٹریلیاء کے خلاف سیریز میں قومی ٹیم کی نمائندگی کرنے اور بہترین پرفارمنس کا مظاہرہ کرنے میں کامیاب ہوئے ۔