بیلنس ون ڈے کا پلیئر نہیں، مائیکل ہولڈنگ

ہفتہ 21 فروری 2015 11:57

ویلنگٹن(اردو پوائنٹ تازہ ترین اخبار21۔فروری 2015ء )سابق ویسٹ انڈین پیسر اور موجودہ کمنٹیٹر مائیکل ہولڈنگ نے نیو زی لینڈ سے میچ کے لیے گیری بیلنس کی انگلش ٹیم میں شمولیت پر سوال اٹھا دیا ۔

(جاری ہے)

ان کا خیال ہے کہ وہ ون ڈے کرکٹ کیلیے موزوں پلیئر نہیں ہیں، یکطرفہ مقابلے میں نیوزی لینڈ نے انگلینڈ کو 8وکٹ سے مات دی، اس میچ پر تبصرہ کرتے ہوئے ہولڈنگ نے کہا کہ مجھے پورا یقین ہے کہ انگلینڈ نے اس مقابلے کیلیے درست ٹیم میدان میں نہیں اتاری، الیکس ہیلز کو اس میں شامل کیا جانا چاہیے تھا کیونکہ وہ موجودہ ٹیم کے بیشتر پلیئرز سے زیادہ عمدہ کھیل پیش کرسکتا تھا، اسی طرح میں گیرے بیلنس کو ون ڈے کا پلیئر نہیں سمجھتا، وہ ٹیسٹ کا انتہائی شاندار بیٹسمین ہے لیکن ایک روزہ کرکٹ کیلیے وہ کسی طور موزوں نہیں تھا۔

Facebook Twitter Google + Share on Whatsapp

بیلنس ون ڈے کا پلیئر نہیں، مائیکل ہولڈنگ

مزید کھیلوں کی خبریں