پنجاب پولیس چینی ورکرز کے تحفظ سے قاصر
جمعہ 27 فروری 2015 13:02
لاہور(ّ اردپوائنٹ۔تازہ ترین اخبار ۔27 فروری 2015) پنجاب پولیس نے نجی پراجیکٹس کے لیے کام کرنے والے چینی ورکرز کی سیکیورٹی سے دستبردار پر غور شروع کردیا ہے جس کی وجہ بظاہر نفری کی کمی اور امن و امان کی صورتحال کے لیے پولیس کی بہت زیادہ مصروفیت ہے۔پولیس حکام نے چینی ورکرز کو تجویز دی ہے کہ وہ پولیس اہلکاروں کی دستبرداری سے قبل نجی سیکیورٹی کی خدمات حاصل کرلیں۔
نجی منصوبوں پر کام کرنے والے چینی ورکرز کے سیکیورٹی انتظامات پر نظرثانی کا فیصلہ صوبائی وزیر داخلہ کی سربراہی میں دو فروری کو ہونے والے ایک اعلیٰ سطح کے اجلاس میں کیا گیا جس میں طے کیا گیا کہ صوبے بھر میں چینی شہریوں کو اپنی سیکیورٹی کے انتظامات کے لیے ڈیڈلائن دی جائے گی۔ میڈیا رپورٹس کے مطابق صوبائی حکومت مستقبل میں صرف ان چینی ورکرز کو سیکیورٹی فراہم کرے گی جو اس کے منصوبوں پر کام کریں گے جبکہ نجی شعبے میں کام کرنے والے چینی شہریوں سے سیکیورٹی غیرطے شدہ دورانیے کے بعد واپس لے لی جائے گی۔(جاری ہے)
اس وقت لاہور میں 237 چینی ورکرز کام کررہے ہیں جن میں سے 85 ورکرز 26 حکومتی منصوبوں جبکہ دیگر 152 ورکرز 45 نجی پراجیکٹس کے ساتھ جڑے ہوئے ہیں۔نجی شعبے میں سرگرم چینی ورکرز کی سیکیورٹی کے لیے 176 پولیس اہلکار اور 578 پرائیویٹ سیکیورٹی عہدیداران تعینات ہیں، جبکہ حکومتی منصوبوں کے لیے کام کرنے والے 85 ورکرز کی سیکیورٹی کے لیے 113 پولیس اہلکار، 36 ریلوے پولیس اہلکار اور 108 پرائیویٹ سیکیورٹی افراد تعینات ہیں۔
چار حکومتی منصوبوں پر کام کرنے والے چینی ورکرز کی سیکیورٹی کے لیے چار پولیس اسکورٹ بھی تعینات ہیں جبکہ انہیں دفاتر کے ساتھ ساتھ رہائشگاہوں پر پولیس سیکیورٹی فراہم کی گئی ہے۔پنجاب بھر میں چار ہزار سے زائد غیرملکی ہیں جن میں اکثر چینی شہریوں کی ہیں جو 164 حکومتی و نجی منصوبوں پر کام کررہے ہیں جبکہ ایلیٹ پولیس فورس اور اسپیشل پروٹیکشن یونٹ کے تین ہزار اہلکار ان کی سیکیورٹی کے لیے تعینات ہیں۔ایک سنیئر پولیس افسر نے میڈیا کو بتایا کہ اب تک چینی شہریوں کی سیکیورٹی پر تعینات پولیس اہلکاروں کی دستبرداری کا کوئی ٹائم فریم طے نہیں کیا گیا ہے مگر پولیس کے لیے نجی پراجیکٹس پر کام کرنے والے ان تمام ورکرز کی سیکیورٹی مشکل ثابت ہورہی ہے۔اس کا کہنا تھا کہ متعدد چینی ورکرز نے پرائیویٹ کنٹریکٹرز کی خدمات حاصل کی ہوئی ہیں، جبکہ کچھ اپنا کاروبار کررہے ہیں اور اپنی کمپنیاں چلا رہے ہیں اور کچھ نجی شعبے میں ملازمتیں کررہے ہیں۔اس نے مزید بتایا کہ پولیس اب بھی حکومت کے حتمی فیصلے کی منتظر ہے تاہم عہدیدار نے بتایا کہ تمام چینی ورکرز کی پولیس اور نجی کمپنیوں کی سیکیورٹی چینی صدر کے دورہ پاکستان کے مکمل ہونے تک برقرار رہے گی۔مزید اہم خبریں
-
گزشتہ تین روز میں سونے کی فی تولہ قیمت میں 2 ہزار800 روپے بڑا اضافہ ہوگیا
-
یوکرین کے وزیر خارجہ بھارت کے دورے پر نئی دہلی پہنچ گئے
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، صدر مملکت
-
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
-
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم نواز شریف معائنہ کرنے پہنچ گئیں
-
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ
-
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن نقوی کا وزیر اعلی ہائوس پشاور میں اعلیٰ سطحی اجلاس سے خطاب
-
تحریک انصاف کا اتوار کو پشاور میں ریلی نکالنے کا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
-
صدرمملکت سے برطانوی ہائی کمشنر کی ملاقات ، دوطرفہ تعلقات پر گفتگو
-
وفاقی حکومت کا ججزکے خط پر انکوائری کمیشن بنانے کااعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.