قومی باڈی بلڈنگ: پشاور کے یاسین خان مسٹر پاکستان منتخب ہوگئے

پیر 2 مارچ 2015 11:54

لاہور(اُردو پوائنٹ اخبار تازہ ترین۔02مارچ۔2015ء) قومی باڈی بلڈنگ مقابلوں میں پشاور کے یاسین خان مسٹر پاکستان منتخب ہو گئے ہیں ‘ لاہور کے یاسر سہیل نے جونیئر مسٹر پاکستان کا اعزاز حاصل کر لیا ہے۔ لاہور میں ہونے والے باڈی بلڈنگ کے سالانہ مقابلوں میں ملک بھر سے 160 سے زائد تن سازوں نے حصہ لیا۔

(جاری ہے)

واپڈا کے یاسین خان نے 100 کے جی کلاس میں کامیابی حاصل کرکے مسٹر پاکستان کا اعزاز حاصل کیا جبکہ یاسر سہیل نے 75 کے جی کلاس میں کامیابی حاصل کی۔

نیشنل باڈی بلڈنگ چیمپئن شپ میں واپڈا کے تن ساز چھائے رہے۔ انہوں نے 9 گولڈ میڈلز اپنے نام کئے۔ آرمی نے دوسری اور کے پی کے نے تیسری پوزیشن حاصل کی۔ جونیئر باڈی بلڈنگ چیمپئن شپ میں ہائیر ایجوکیشن کمیشن کی پہلی، پنجاب کی دوسری اور کے پی کے کی تیسری پوزیشن رہی-